Егор Борисов: “Саха сиригэр “Биир ньыгыл Арассыыйа” баартыйа кыахтаахтык бастаата”

Ааптар: 
Бөлөххө киир:

“Биир ньыгыл Арассыыйа” баартыйа бэрэссэдээтэлэ Дмитрий Медведев регионнааҕы салаалар быыбардыыр ыстааптарын кытта быыбар барыллаан түмүктэригэр анаммыт селекторынан мунньаҕы ыытта.

Онно Дмитрий Медведев баартыйа Саха сиринээҕи салаатын үлэтин бэлиэтээтэ.

Саха Өрөспүүбүлүкэтин Ил Дархана Егор Борисов куоластааһыҥҥа быыбардааччы 40-тан тахса бырыһыана кыттыбытын иһитиннэрдэ.

—Саха сиригэр араас таһымнаах 590 быыбар буолла. Куоластааһын тэрээһиннээхтик, туох да үҥсүүтэ-харсыыта суох барда. Быыбардааччылар 8 оройуон баһылыгын уонна Дьокуускай куорат мэрин, 213 нэһилиэк баһылыгын, 114 улуус, 2 870 нэһилиэк дьокутаатын таллылар. Баһылыктар быыбардарыгар 9-тан 8-гар “Биир ньыгыл Арассыыйа” баартыйа туруорбут хандьыдааттара кыайыылааҕынан таҕыстылар. Эһиил буолар быыбарга өссө элбэх хандьыдааты туруорар туһугар салгыы үлэлиэхпит, — диэтэ Егор Борисов.

Дмитрий Медведев быыбар күнэ “ньыгылларга” үчүгэйдик ааспытын бэлиэтээтэ. “Бүгүн талыллыбыт баһылыктарга, дьокутааттарга сүрүн үлэлэрэ иннилэригэр күүтэр. Бастатан туран – быыбар иннигэр ылыммыт эбэһээтэлистибэтэҕитин, быыбардааччылартан киирбит этиилэри толороргут ирдэнэр. Оттон ол ситэриилээх уонна сокуону оҥорор былаас үлэтигэр саамай уустугунан буолар”, — диэтэ кини.

Роман Попов, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0