Егор Борисов: “Үбүлүөйдэринэн наһаа үлүһүйээри гынныбыт”

Бөлөххө киир:

Быйыл “Манчаары оонньуулара” Үөһээ Бүлүү улууһугар ыытыллаллар. Үөһээ Бүлүүлэр эһиил бу “оонньуулар” үбүлүөйдээх сыллара уонна общественнай-политическай деятель, өрөспүүбүлүкэбитин төрүттэспит Исидор Барахов төрөөбүтэ 120 сыла буолалларынан улууска туох ыытыллыаҕын туһунан ыйыталлар Ил Дархан быһа эфирин кэмигэр.

Аграфена КУЗЬМИНА, “Саха сирэ” хаһыат, https://edersaas.ru

“Биһиэхэ олус үчүгэй үтүө үгэс олохтонно. Ол – улууспут, нэһилиэкпит, өрөспүүбүлүкэбит туһугар үлэлээбит дьоммут ааттарын үйэтитии. Онно тирэҕирэн үгүс тутууну ыытабыт. Биир өттүнэн, бу олус үчүгэй, сиэрдээх быһыы. Ол эрээри, иккис өттүнэн, манан наһаа үлүһүйээри гынныбыт. Бу дьоммут үтүө ааттарын үйэтитиигэ, кинилэр үлэлэрин-хамнастарын ис хоһоонун кэлэр кэнчээри ыччаппытыгар тириэрдиэхтээхпит. Ол буолар саамай сүрүнэ. Оттон тутуу чааһын эттэххэ, өрөспүүбүлүкэ кыахтаах буоллаҕына тутуулар барыахтара”, — диэн бэлиэтиир Егор Афанасьевич.
Оттон Исидор Барахов үбүлүөйүнэй сылыгар сыһыаран, үөһээ бүлүүлэртэн этии киирэрин кэтэһэрин эттэ. “Эһигиттэн бэйэҕититтэн этиилэри күүтэбит. Дьоҥҥутугар-сэргэҕитигэр кини үтүө аатын, үлэтин-хамнаһын өссө хайдах тириэрдэбит диэн толкуйдааҥ уонна этиитэ киллэриҥ”, — диэн иһитиннэрэр кини.

Аграфена КУЗЬМИНА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0