Ил Дархан Егор Борисов бүгүн Кулаковскай аатынан Норуоттар доҕордоһууларын дьиэтигэр быыбардаата. Кини сайдыы сомоҕолоһууттан тахсарын бэлиэтиир.
edersaas.ru
«Бүгүн биһиги дойдубут бэрэсидьиэнин талабыт. Бу хас биирдиибитигэр эппиэтинэстээх уонна долгутуулаах түгэн. Мин санаабар, кэнники кэмҥэ дьон-сэргэ олохпут бары хайысхатыгар сүрдээх көхтөөхтүк кыттар буолла, тирээн турар кыһалҕалары тэҥҥэ быһаарсар, араас боппуруоска санаатын этэр. Ити улахан суолталаах. Ол эрээри биири умнарбыт сатаммат: өскөтүн биһиги сайдыыга талаһар буоллахпытына, биир санаанан салайтаран сомоҕолоһорбут наада. Онон хас биирдиибит сөптөөх быһаарыныыны ылынан, бүгүн быыбарга кыттыаҕа дии саныыбын,» — диэн бэлиэтиир Егор Афанасьевич.
Аграфена КУЗЬМИНА, «Саха сирэ» хаһыат, edersaas.ru