Бу күннэргэ Ил Дархан Егор Борисов үлэ ырыынагын сорох эйгэлэригэр аналлаах, кэтэһиилээх-күүтүүлээх ыйаахха илии баттаата.
Анивера Акимова, «Саха сирэ» хаһыат, https://edersaas.ru/
Мантан ыла, кэлии омук гражданнара маннык салааларга үлэлииллэрэ бобулунна:
-
Үөрэҕирии,
-
Доруобуйа харыстабыла
-
Тырааныспар
-
Атыы-эргиэн
-
Балыктааһын
-
Оҕуруот аһылыгын олордуу
-
Хамсаабат баай-дуол атыыта
Ил Дархан национальнай үлэ ырыынагын араҥаччылыыр уонна үлэтэ суох ахсаанын аҕыйатар сыалтан, маннык ыйааҕа таһаарда.
Егор Афанасьевич egorborisov.ru сайтыгар суруйар:
— Саха сиригэр омук сириттэн кэлэн үлэлиир мигрант ахсаана аҕыйаатаҕына, олохтоохтор үлэнэн хааччыллыа этилэр. Биһиги өрөспүүбүлүкэбитигэр үлэлии кэлэр омуктар патеннара төһө эмэ сыаналаах. Ол да буоллар, экономика үгүс салаалара күүскэ сайда туралларынан, үлэни биэрээччилэр кыра хамнаска омуктары аҕалан үлэлэтэллэр.
2015 сылтан саҕалаан өрөспүүбүлүкэҕэ атыы-эргиэн, таһаҕаһы уонна пассажирдары тиэйии, уопсастыбаннай аһылык салааларыгар миграннар ахсааннара элбээбит.
ЫСПЫРААПКА
Билигин Россия таһыттан өрөспүүбүлүкэҕэ кэлээччилэртэн:
24,0%-нара Кыргызстан,
25,8%-нара Таджикистан,
18,0%-нара Узбекистан олохтоохторо
13678 миграны кытары 2016 сылга үлэни биэрээччилэр үлэ дуогабарын түһэрсибиттэрэ.
Син биир суолу тобулуохтара
Ол эрээри, кинилэр саҥа усулуобуйаҕа сөп түбэһэр суолларын тобулуохтара дии саныыбыт. Аны бэйэбит олохтоох дьоммут кэлии омук атыыһыттарыгар «помогайканан» киирэллэрэ буолуо. Холобур, «Столичнай» ырыынагын кытай урбаанньыттара баһылаан-көһүлээн олороллор. «Помогайкалар» сүүрэллэр-көтөллөр.
Анивера Акимова, «Саха сирэ» хаһыат, https://edersaas.ru/
Хаартыска: «Саха» НКИХ сайтыттан.