Егор Борисов: “Өртөөһүнү бары ыыталлар, оттон баһаар буоллаҕына, эппиэтинэһи ким да сүгүөн баҕарбат”

Ааптар: 
Бөлөххө киир:

Бүгүн, муус устар 25 күнүгэр, Ил Түмэн уочараттаах XXVIII-с пленарнай мунньаҕар Саха Өрөспүүбүлүкэтин Ил Дархана Егор Борисов 2016 сылга судаарыстыбаннай былаас ситэриилээх уорганнарын үлэтин түмүгүн туһунан отчуот оҥордо итиэннэ дакылаатын сүнньүнэн Ил Түмэн дьокутааттарын ыйытыыларыгар хоруйдаата.

Роман ПОПОВ, “Саха сирэ” хаһыат, edersaas.ru


Норуот дьокутаата Леонид Владимиров быйыл өртөөһүнү ыытабыт дуу, суох дуу диэн ыйытыытыгар хоруйдууругар, Егор Афанасьевич дойду үрдүнэн өртөөһүн Арассыыйа Федерациятын бырабыыталыстыбатын анал уурааҕынан бобуллан турарын санатта. Уонна аҕыйах хонуктааҕыта Арассыыйа Федерациятын тыатын хаһаайыстыбатын миниистирин кытта сирэй көрсөн кэпсэппитин, онно Уһук Хотугу сиргэ сааскы кэмҥэ өртөөһүнү ыытары көҥүллүүр туһунан РФ бырабыыталыстыбатын уурааҕар уларытыыны киллэрэр туһунан бырайыагын кытта билиһиннэрбитин иһитиннэрдэ. Кини этиитин Тыа хаһаайыстыбатын министиэристибэтэ сүнньүнэн өйүүрүн эттэ, онон, бырабыыталыстыба туһааннаах уурааҕы ылыннаҕына, сааскы өртөөһүнү ыытар буолуохпут диэтэ.

“Өртөөһүнү бары ыыталлар, оттон баһаар буоллаҕына, эппиэтинэһи ким да сүгүөн баҕарбат”, — диэн туран, өрөспүүбүлүкэ Ил Дархана өртөөһүнү ыытыыга эппиэтинэһи күүһүрдэр сөбүн ыйда.

Роман ПОПОВ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0