Буоксаҕа Арассыыйа чөмпүйэнээтигэр финал киирсиилэрэ буола тураллар. Номнуо бастакы кыайыылаахтар быһаарылыннылар.
Ол курдук, 52 киилэҕэ Тамир Галанов (Москва-Бурятия) Расул Салиевы (Дагестан) кыайан түөрт төгүллээх Арассыыйа чөмпүйүөнүн аатын сүктэ.
56 киилэлээх боксердарга Бахтовар Назиров (ХМАО-ЮГРА) тэҥнээҕин булбата. Кини финалга Ахмедов Шахриеры хотто.
60 киилэҕэ диэри ыйааһыҥҥа Батыргарзиев Альберт бастаата.
64 киилэлээхтэргэ Санкт-Петербургтан Мазур Алексей бастаата.
69 киилэҕэ диэри ыйааһыҥҥа Аргба Харитон (Дагестан) эчэйии ылан, бырааһынан уһуллан, Лондоннааҕы Олимпиада призера Андрей Замковой чөмпүйүөн аатын сүктэ.
Чөмпүйэнээт финалын көрө Саха Өрөспүүбүлүкэтин Ил Дархана Айсен Николаев уонна Ил Түмэн спикера Петр Гоголев кэллилэр.
Саха сирин хамаандатыттан соҕотох финалист Василий Егоров бүтэһигинэн киирсиэҕэ. 49 киилэҕэ диэри ыйааһыҥҥа Батор Сагалуев (Бурятия) кытта кыһыл көмүс мэтээли иһин күрэхтэһиэхтэрэ.
Николай Попов, » Саха сирэ» хаһыат, edersaas.ru