close
Екатерина Егороваҕа Саха Өрөспүүбүлүкэтин норуодунай артыыһа аат иҥэрилиннэ...
Култуура - Олох-дьаһах

Екатерина Егороваҕа Саха Өрөспүүбүлүкэтин норуодунай артыыһа аат иҥэрилиннэ

Бу үөрүүлээх сонуну бүгүн иһиттибит.

Нарын, кэрэ куоластаах ырыаһыт, СӨ үтүөлээх артыыската Екатерина Егорова кэргэнинээн, СӨ норуодунай артыыһа Алексей Егоровтыын саха профессиональнай эстраднай ырыатын биир бастакы саҕалааччыларынан буолаллар. Кинилэр дуэтынан ыллыыр истиҥ иэйиилээх, лирическэй, дириҥ ис хоһоонноох ырыаларын дьон-норуот олус сөбүлээн истэр. Чахчы даҕаны, “саха эстрадатын чаҕылхай сулустара” диир буоллахпытына, аан бастаан биһиги Егоровтары саныыбыт.

Саха норуодунай артыыһа Екатерина Егорова – өрөспүүбүлүкэтээҕи “Өксөкүлээх Өлөксөй аатынан Норуоттар доҕордоһууларын дьиэтэ” АУ Егоровтар устуудьуйаларын концертмейстер-аккомпаниатора, билигин айар үлэтин үгэнигэр сылдьар. Таптыыр ырыаһыппытын бу үрдүк аатынан истиҥник эҕэрдэлиибит!

Татьяна МАРКОВА.

Ыспыраапка

Екатерина Борисовна Егорова (Тытыгынаева) Чурапчы улууһун Чурапчы сэлиэнньэтигэр төрөөбүтэ. 1983 сыллаахха Алексей Васильевичтыын иккиэн Эстрада искусствотын Бүтүн Арассыыйатааҕы айар мастарыскыайын ситиһиилээхтик үөрэнэн бүтэрбиттэрэ. Екатерина Егорова Дьокуускайдааҕы 2N-дээх педагогическай училище музыкальнай салаатын эмиэ бүтэрбитэ. Дьиэ кэргэн тапталлаах ийэтэ, эбэтэ. Уолаттара Өркөн уонна Харысхан – бэйэлэрэ эмиэ ураты суоллаах-иистээх, айар куттаах дьон.

 

 

#бүгүн: 1
4
0

Сайт матырыйаалларын ааптар көҥүлэ суох ылар бобуллар.
  1. 1 санаа

    Уруйэ Арамаан

    Э5эрдэ буоллун нарын- манчы куоластаах таптаан истэр ырыаьыппытыгар Екатерина Егорова5а! Ессе да5аны истин иэйиилээх ырыаргынан истээччилэргин уердэ тур!

    11.01.2018


Notice: Undefined index: comment_notes_before in /var/www/edersaas/wp-includes/comment-template.php on line 2334

1 + 6 =

INSTAGRAM ЛИЭНТЭТЭ

Instagram батыһан бар