Бэс ыйын 5 күнүгэр сыл ахсын аан дойду үрдүнэн тулалыыр эйгэни харыстыыр бэлиэ күнү бэлиэтиибит, оттон Арассыыйаҕа бу күн 2007 с. экологтар идэтийбит бырааһынньыктара буолар.
Өрөспүүбүлүкэбит бука бары олохтоохторун, ордук чуолаан, экология боппуруоһун туруорсар, төрөөбүт дойдубут айылҕата ыраас, чөл буоларын туһугар кыһаллар дьоммутун ис сүрэхтэн эҕэрдэлиибин. Тулалыыр эйгэни харыстааһыны уонна экономиканы сайыннарыыны биир тэҥник тутуу – өрөспүүбүлүкэ Бырабыыталыстыбатын биир сүрүн стратегическай хайысхата.
edersaas.ru
Айылҕаны харыстыыр тэрилтэлэр идэтийбит үлэһиттэрин күүһүнэн экология эйгэтигэр дьоһун ситиһиилэннибит. Айылҕа алдьархайын сэрэтэргэ, ону быһаарарга бэйэлэрин кылааттарын наука уонна общественность бэрэстэбиитэллэрэ киллэрэллэр. Оҕо уонна ыччат экологическай хамсааһыннара көхтөөхтүк кытталлар. Кэнэҕэс көлүөнэҕэ ыраас айылҕаны хаалларарга былаас уонна норуот күүһүн түмэн, экология боппуруостарын ситиһиилээхтик быһаарыахпытын сөп.
Күндү биир идэлээх дьоммут эһиги күн аайы сыралаах үлэҕитинэн айылҕаны харыстыырга дьулуһаҕыт. Инникитин даҕаны Сахабыт сирин кэрэ айылҕатын харыстыырга, ытыктыырга, таптыырга судаарыстыбаннай бэлиитикэни дьүккүөрдээхтик, чиэстээхтик ыытаргытыгар баҕарабын!
Сахамин Афанасьев, СӨ Айылҕа харыстабылын миниистирэ