Эксээмэҥҥэ туох уларыйыы киирдэ?

Ааптар: 
Бөлөххө киир:

Оскуоланы бүтэрээччилэри, төрөппүттэри эксээмэҥҥэ уларыйыылар долгуталлар. Эһиил, 2020 сылга ыытыллар эксээмэҥҥэ туох уларыйыылар киирбиттэрин туһунан пресс-кэмпириэнсийэ кэмигэр  билиһиннэрдилэр.


Бары билэрбит курдук, математикаҕа эксээмэн судургутутуллубут (базовай) уонна уустугурдуллубут (профильнай) диэҥҥэ арахсар. Былырыыҥҥа диэри оҕолор иккиэннэрин талар кыахтаахтара. Быйылгыттан иккиттэн биирин эрэ талаллара көҥүллэнэр. Итини таһынан, кытай тыла эбиллэн биэрбитэ. Баҕалаах оҕо туттарар кыахтааҕа эрээри, Үөрэх хаачыстыбатын кэтээн көрөр киин дириэктэрэ иһитиннэрбитинэн, быйылгы эксээмэҥҥэ биир даҕаны оскуоланы бүтэрээччи тустаах биридимиэти талбатах.

Түмүктүүр өйтөн суруйуу (аахпыттан суруйуу) 2015 сылтан биир кэлим эксээмэҥҥэ киирэр быраабы биэрэр. Бастакы түһүмэх ахсынньы 4 күнүгэр ыытыллыаҕа. Тиэмэлэр хайысхалара номнуо быһаарыллыбыттара. 1. “Война и мир” 2. Надежда и отчаяние 3. Добро и зло 4. Гордость и смирение 5. Он и она.

2020 сыллааҕы эксээмэн араспысаанньатын бырайыага тахсыбыта. Онон сирдэтиннэххэ, сүрүн түһүмэх иннинээҕи (досрочный период) кулун тутар 20 күнүттэн муус устар 13 күнүгэр диэри барар. Сүрүн түһүмэх (основной период) ыам ыйын 25 күнүттэн бэс ыйын 29 күнүгэр диэри салҕанар. Онтон эбии түһүмэх (дополнительный период) балаҕан ыйын 7-24 күннэригэр ыытыллар.

Биир кэлим эксээмэн түмүгэ 4 сыл дьайар. Холобур, эһиил, 2020 сылга туттарбыттар түмүктэрэ 2024 сылга диэри дьиҥнээҕинэн ааҕыллар. Биир кэлим эксээмэн түмүгүнэн оҕо 5 үрдүк үөрэххэ, үс хайысхаҕа үөрэх докумуонун туттарара көҥүллэнэр. Ол эбэтэр, барыта 15 сайабылыанньаны биэрэр кыахтаах.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0