Оскуоланы бүтэрээри сылдьар оҕолорго эппиэтинэстээх күннэр үүннүлэр. Эксээмэннэр чугаһаатар-чугаһаан иһэллэр. Ол эрээри, эрдэттэн бэлэмнэммит киһи хайдах баҕарар туттарар эксээмэннэрэ – барыта оскуолаҕа үөрэтиллибит бырагыраама. Биир кэлим эксээмэҥҥэ ханнык биридимиэттэри талар туһунан сайабылыанньаны олунньу 1 күнүгэр диэри ылбыттара.
Ол эрээри, сорохтор күн бүгүҥҥэ диэри эксээмэн кыраапыгын билбэт буолуохтаахтар. Бу тиийэн кэлбитин кэннэ “ууга-уокка” түспэт туһугар эрдэттэн билсэр тоҕоостоох. Сорох түгэҥҥэ биир күҥҥэ икки эксээмэн сөп түбэһэн хаалааччы, ону эмиэ эрдэттэн учуоттуур ирдэнэр. Эбэтэр сүрүн түһүмэх кэмигэр ханна эрэ барар дьон болдьох иннинээҕи түһүмэххэ (досрочный период) туттарааччылар.
Санатан эттэххэ, болдьох иннинээҕи түһүмэх (досрочный период) кулун тутар 21 күнүттэн муус устар 11 күнүгэр диэри ыытыллар. Оттон сүрүн түһүмэх ыам ыйын 28 күнүттэн от ыйын 2 күнүгэр диэри барыаҕа. Балаҕан ыйынааҕы эбии түһүмэх (дополнительный период (сентябрьские сроки) балаҕан ыйын 4-15 күннэригэр буолуоҕа.
Эксээмэннэр туһунан сиһилии иһитиннэриини, докумуону барытын http://cmkosakha.ru/ ссылканан (Государственное бюджетное учреждение “Центр мониторинга качества образования Министерства образования и науки Республики Саха (Якутия”) билсиэххитин сөп.
Людмила ПОПОВА, “Саха сирэ” хаһыат, edersaas.ru
Хаартыска: интэриниэттэн