Өрөспүүбүлүкэ өрүстэринэн кыһыҥҥы суол официальнайдык аһылла илигинэ, Бүлүү өрүһү таксистар туораабыттара хаһыс да күнүгэр барда.
edersaas.ru
Оттон Хатас — Павловскай хайысхатынан суол, барыллааһын быһыытынан, сэтинньи 21 күнүгэр аһыллыахтаах. Ону кэтэспэккэ, ыксаабыт суоппардар Хатаһынан туораан эрэллэр.
Бу күннэргэ биир массыына бу хайысханан туораан иһэрин видеоҕа устан социальнай ситимнэринэн тарҕаттылар.
ЫБММ Саха сиринээҕи управлениетын кыра суудуналарга судаарыстыбаннай иниспиэксийэтэ иһитиннэрбитинэн, суол аһылла илигинэ айанныыр экстремал-суоппардар 3000 – 5000 солк. ыстарааптаныахтара. Оттон юридическай сирэйдэр 100 тыһ. солк. саҕалаан 1 мөл. солк. диэри административнай эппиэтинэскэ тардыллаллар.
edersaas.ru
Видео: «Криминальная Якутия» диэн сайтыттан ылылынна.