close
Элбэх кыбартыыралаах дьиэлэр олбуордара оҥоһуллар...
Олох-дьаһах

Элбэх кыбартыыралаах дьиэлэр олбуордара оҥоһуллар

Куорат баһылыгын бастакы солбуйааччы Дмитрий Садовников бүгүн Киин уонна Сайсарытааҕы уокуруктарга сылдьан, оҥоһулла сылдьар элбэх кыбартыыралаах дьиэлэр олбуордарын көрдө-иһиттэ. edersaas.ru  

«Биир ньыгыл Россия» политическай баартыйа «Куорат тупсаҕай эйгэтин тэрийии» бырайыагын чэрчитинэн, Яков Потапов уул. 6/1 №-игэр турар дьиэ олбуоругар тротуардары, суол кытыытынааҕы бордюрдары уонна уу сүүрэр халдьаларын оҥоруу саҕаламмыт. Үлэ былааннаммыт кэмигэр бүтэрин туһугар олбуорга баар тимир хараастары көтүрэр наада буолбут. Дмитрий Садовников Сайсары уокуругун дьаһалтатыгар уонна «Теплоэнергия» салайар хампаанньаҕа дьон хараастары көһөрөргө баҕа өттүлэринэн сөбүлэһэллэрин ситиһэргэ сорудахтаата. Олохтоохтор олбуордара оҥоһулларыттан үөрэллэр, саас-күһүн ахсын бадараан быыһынан сылдьарбыт тохтуоҕа дэһэллэр. Силигин ситэрэн, өссө спортивнай былаһаакка сөргүтүллэрин кэпсииллэр.

Сотору бу дьиэ иннэ саҥа асфалланыа.

Киин уокурукка, Курашов уул. 43 -игэр турар элбэх кыбартыыралаах дьиэ тиэргэнигэр оробуочайдар эргэ асфальты көтүрэ сылдьаллар. Манна саҥа асфальт, тротуар уонна ыттары дьаарбатар сир оҥоһуллуохтаах.

Дмитрий Садовников, куорат баһылыгын бастакы солбуйааччы :

— Куоракка сүүрбэ үс олбуор саҥардан оҥоһуллар, үлэ хаамыытын биһиги хонтуруолга тутабыт, нэдиэлэ ахсын кэрийэн көрөбүт. Биллэн турар, араас кыһалҕа ханна барыай, үлэ харгыстамматын туһугар ону бэдэрээтчиктэри уонна олохтоохтору кытары суһаллык быһааран иһэбит.

Үлэ хаачыстыбалаахтык оҥоһулларын, кэмигэр бүтэриллэрин тустаах олбуор олохтоохторо эрэ буолбакка, уопсастыбаннай хонтуруолдьуттар, «Биир ньыгыл Россия» политическай баартыйа Саха сиринээҕи салаатын бэрэстэбиитэллэрэ, «Куорат хаһаайыстыбатын туһаныы сулууспата» муниципальнай-хаһыанай тэрилтэ исписэлиистэрэ кэтээн көрөллөр.

Раиса Сибирякова, Саха сирэ” хаһыат, edersaas.ru  

2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

пять × один =

INSTAGRAM ЛИЭНТЭТЭ

Instagram батыһан бар