Алтынньы 4 күнэ – Арассыыйаҕа гражданскай оборона олохтоммут күнэ. Бу күҥҥэ сөп түбэһиннэрэн, өрөспүүбүлүкэ доруобуйатын харыстабылыгар Гражданскай оборона ыйа бара турар. Алтынньыга ыытыллар дьаһаллар араас ыксаллаах быһыыны-майгыны сэрэтэр уонна туоратар, доруобуйа харыстабылын эбийиэктэригэр нэһилиэнньэҕэ куттал суоһаабатын хааччыйар туһугар ыытыллаллар.
edersaas.ru
Өрөспүүбүлүкэтээҕи 2 №-дээх балыыһа—Суһал медицинскэй көмө киинин гражданскай оборонаҕа уонна ыксаллаах балаһыанньаларга отделын сүрүннүүр исписэлииһэ Николай Софронов эппитинэн, эмчиттэр бу ыйы толору гражданскай оборонаҕа аныахтара.
– Хас биирдии киһи ыксаллаах быһыыга-майгыга эмчит кэлиэр диэри көмөнү хайдах оҥорору билиэхтээх, Биһиэхэ кардиология, травматология, хирургия уо.д.а. салааларга анал көмө биригээдэлэрэ тэрилиннилэр, – диэн иһитиннэрдэ.
Сэтинньи ый 4 күнүгэр диэри ыытыллар дьаһалларга эмчиттэр ону таһынан, гражданскай оборона үөрэхтэригэр уонна эрчиллиилэригэр кыттыахтара, сибээс систиэмэлэрин, көмүскэнэр тэриллэр туруктарын бэрэбиэркэлиэхтэрэ.
Надежда ЕГОРОВА, «Саха сирэ» хаһыат, edersaas.ru
+1
+1
+1
+1
+1
+1
+1