close
ЭС-ТОП: Саха киһитэ көрүөхтээх бастыҥ киинэлэрэ
ЭС-ТОП

ЭС-ТОП: Саха киһитэ көрүөхтээх бастыҥ киинэлэрэ

1

  1. «Сүрэхпэр доҕотторум бука бары», 2011 сыл.

Режиссердар – Альберт Габышев, Ньургун Торговкин.

Саха сиригэр тустуу маҥнайгы хараҥаччыларын туһунан уһуллубут спортивнай драма. Улуу тренер Дмитрий Коркин оскуолата, үөрэнээччилэрин саҥа тахсан иһэн суорума суолламмыт Николай Захаров – Сахаачча, олимпийскай чөмпүйүөннэр Павел Пинигин, Роман Дмитриев ситиһиилэрэ барыта бу киинэҕэ көстөр. Интернет ситимигэр баар, босхо көрүөххэ сөп.

2

  1. «Тайна предков», 1972 сыл.

Режиссер – Марат Арипов.

Саха народнай суруйааччыта Николай Якутскай «Көмүстээх үрүйэ» сэһэнинэн уһуллубут киинэ. Сүрүн оруоллартан биирдэстэрин Дмитрий Ходулов оонньообута. Киинэни «Таджикфильм» устуудьуйа устубута. Интернеккэ youtube.com сайтка «Киностудия Таджикфильм» диэн ханаалга баар.

3

  1. «Ильмень үрдүнэн туруйалар», 2005 сыл.

Туруорааччы режиссер – Никита Аржаков.

Саха народнай суруйааччыта Егор Неймохов сэһэнинэн уһуллубут уус-уран киинэ. Бу киинэ Улуу кыайыы 60 сылыгар анаан Саха сирин президенин уонна бырабыыталыстыбатын сакааһынан уһуллубута. Киинэҕэ саха уола Ильмень күөлгэ буолбут түбэлтэтэ, Чурапчы көһөрүллүүтүн туһунан көстөр. Интернет ситимигэр баар.

4

  1. «Мотуо», 2006 сыл.

Режиссер – Вячеслав Семенов.

Саха народнай суруйааччыта Амма Аччыгыйа кэпсээнинэн уһуллубут киинэ. 2000-с сыллар саҕаланыылара уһуллубут киинэ диэҕи, урукку кэми, кэпсээҥҥэ ойууламмыт кэми олус итэҕэтиилээхтик уһуллубут. Бастакы истиҥ сыһыан, таптал туһунан хас баҕар саастаах киһини уйадытар киинэ. Бу киинэҕэ Вячеслав Семенов режиссер уонна оператор үлэтин иккиэннэрин толорбута. Интернет ситимигэр баар.

5

  1. «Айыы Уола», 2014 сыл.

Режиссер – Эдуард Новиков.

90-с сыллар бүтүүлэригэр бэйэтэ айбыт ырыаларынан киэҥник биллибит Александр Самсонов – Айыы Уола туһунан биографическай хабааннаах киинэ. Бу киинэни көрөн, киһи Айыы Уолун күүстээх санаатын, тулуурун сөҕөр. Саха ыччатын чаҕылхай, ол эрээри кылгас, интэриэһинэй олоҕун көрдөрөр киинэ. Интернет ситимигэр суох, диискэнэн атыыга баар.

6

  1. «Тайна Чингис Хаана», 2009 сыл.

Режиссер – Андрей Борисов.

Үгүс көрөөччү биһирэбилин ылбыт Николай Лугинов «Чыҥыс Хаан ыйааҕынан» арамаанынан уһуллубут историческай драма. Киинэни устарга 10 мөл. дуоллар бараммыта. Саха киинэлэриттэн Россия таһымыгар көстүбүт киинэлэртэн биирдэстэрэ буолар. Интернет ситимигэр баар.

hara-daj

  1. «Хара дьай», 2015 сыл.

Режиссер – Степан Бурнашев.

Ааспыт сыл тохсунньутугар Таҥха кэмигэр тахсыбыт буолан, дьон болҕомтотун ордук тардыбыт ужас жанрдаах киинэ. Саха дьоно итэҕэйэр абааһыларыгар, көстүбэт күүстэригэр олоҕурбут түөрт кэрчик устуоруйаттан турар киинэ. Киинэни көрөн олордоххо, киһи этин сааһа аһыллар, куттанар. Омук ужастарыттан туох даҕаны итэҕэһэ суох анал эффектэри туттубуттар. Киинэни интернеккэ көрүөххэ сөп.

82

  1. «Туллугум дьоллоох буол», 2011 сыл.

Режиссер – Мария Кобельянова.

Сунтаар улууһун «Һунтаар һассыҥҥыта» диэн ыччатын түмсүүтэ устубут киинэлэрэ. Сураҕа, киинэни 2009 сыллаахха Элгээйигэ устан саҕааабыттар, онтон тохтобул кэнниттэн киинэлэрэ сүтэн хаалбыт. Онон саҥаттаан устаннар, тиһэҕэр бэртээхэй киинэни оҥорбуттар. Уустук дьылҕалаах дьахтар уонна оҕо туһунан социальнай тиэмэлээх интэриэһинэй, киһини уйадытар киинэ. Киинэ интернет саайтарга баар, булан көрүөххэ сөп.

Айтана АММОСОВА

#бүгүн: 1
2
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

13 − двенадцать =