Дьокуускай куорат полициятын дьуһуурунай чааһыгар Ойуунускай уулуссатыгар турар дьиэттэн иһитиннэрии киирбит.
Дьахтар этэрбэһин уорбуттарын туһунан.
Полиция оперативниктара бу уорууга уорбаланааччыны туттулар — Бүлүүттэн төрүттээх 34 саастаах киһи.
Барыллаан быһаарыынан, уорбаланааччы күнүс хас да мэндиэмэннээх дьиэ подъеһыгар киирэн, кирилиэс былаһааккатыгар дьахтар этэрбэһэ сытарын көрбүт. Уонна ким да суоҕун көрөн, уоран тахсыбыт.
Онтун 2,5 тыһыынча солкуобайга батаран, ол харчытынан арыгы атыыласпыт.
Холуобунай дьыала РФ Холуобунай кодексатын 158-с ыст. 1 чааһынан, ол эбэтэр, уоруу бэлиэтэ баарынан, тэриллибит. Накаастабыл миэрэ — 2 сылга диэри болдьоххо көҥүлү быһыы.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.