Евгений Чекин «Хаҥалас» индустриальнай паарка үлэһиттэрин кытары көрүстэ
«Хаҥалас» индустриальнай паарка үлэһиттэрин кытары көрсүһүүгэ бырабыыталыстыба баһылыга саҥа тутуллар эбийиэктэргэ үлэ хамыытын билистэ.
Edersaas ru.
Социальнай-экономическай өттүнэн урутаан сайдар сир, «Капитоновка» былаһааккатыгар тэриллибит бу көрсүһүүгэ инвестиционнай сайдыы уонна предпринимательства миниистирин бастакы солбуйааччы Алексей Загоренко, «Хаҥалас» индустриальнай паарка» ХЭУо генеральнай дириэктэрэ Дмитрий Борисов уо.д.а. кыттыыны ыллылар. Лааҕы-кыраасканы оҥорор «Бигэ» собуот уонна уһуннук умайар хочуоллары оҥорор «Саха-Липснеле» ХЭУо эбийиэктэрин көрдүлэр. Индустриальнай паарка үлэһиттэрэ оҥоһуллуохтаах үлэ-хамнас, бородууксуйа туһунан кэпсээтилэр, оборудованиелары көрдөрдүлэр.
Инфраструктураны тэрийиини, урутаан сайдар сир хомунаалынай эйгэтин көрөр-истэр салайар хампаанньаны үбүлээһин, о.д.а. биэдэмистибэлэр икки ардыларыгар бииргэ үлэлээһининэн быһаарыллар боппуруостар тумнуллубатылар.
Сарсын, ол эбэтэр бэс ыйын 23 күнүгэр «Хаҥалас» индустриальнай пааркаҕа Ил Дархан Егор Борисов сылдьан үлэни-хамнаһы билсэрэ, оробуочай мунньах ыытыллара былааннанар.
Раиса Сибирякова, “Саха сирэ” хаһыат, Edersaas ru.