Евгений Чекин Россия инвестиционнай форумугар

Ааптар: 
Бөлөххө киир:

Бырабыыталыстыба бэрэссэдээтэлэ Евгений Чекин олунньу 15-16 күннэригэр Сочига ыытыллар Россия инвестиционнай форумугар сылдьар.

edersaas.ru

Форум бырайыактарынан үбүлээһиҥҥэ анаммыт көрсүһүүттэн саҕаланыаҕа, онно РФ экономическай сайдыытын  миниистирэ Максим Орешкин уонна Внешэкономбанк баһылыга Сергей Горьков кыттыыны ылыахтара.

Салгыы үлэ үс хайысханан ыытыллыа. Евгений Чекин «Киһи хапытаала – Уһун Илин инники кэскилин экономикатын төрүтэ» сиэссийэҕэ Саха сиригэр дьарыктаах буолуу туругун уонна үрдүк кылаастаах саҥа үлэ миэстэлэрин тэрийиигэ ыытыллар үлэ туһунан билиһиннэриэҕэ. Саҥа үлэ миэстэлэрин тэрийии бырамыысыланнай инвестиционнай бырайыактары кытары ситимнээх. Урукку сыллартан өрөспүүбүлэкэҕэ анал орто уонна үрдүк үөрэҕи бүтэрэр ыччаттары үлэнэн хааччыйыыга, каадыры бэлэмнээһиҥҥэ, эбии үөрэттэриигэ бөдөҥ хампаанньалары кытары дуогабар түһэрсиигэ балачча баай уопут баар. «Олохтоох каадыры — бырамыысыланнаска» бырайыак чэрчитинэн, 2020 сылга диэри бырамыысыланнай тэрилтэлэргэ 10 тыһ. исписэлиис үлэҕэ ылыллыахтаах. Бу сиэссийэҕэ Уһун Илин сайдыытын миниистирэ Александр Галушка, Уһун Илиннээҕи федеральнай университет ректора Никита Анисимов, Амур уобалаһын губернатора Александр Козлов, Уһун Илиҥҥэ киһи хапытаалын сайыннырыы агентствотын гендириэктэрэ Валентин Тимаков, Бүтүн Россиятааҕы уопсастыбаннай санааны үөрэтэр киин (ВЦИОМ) гендириэктэрэ Валерий Федоров, «Россиятааҕы тимир суол» ААУо гендириэктэрэ – бырабылыанньатын бэрэссэдээтэлэ Олег Белозёров уо.д.а. кыттыахтара. Саха Өрөспүүбүлүкэтин Бырабыыталыстыбатын Бэрэссэдээтэлэ маны таһынан «Регионный бюджет: потратить нельзя сэкономить» сиэссийэҕэ үлэлиэҕэ.

Форум чэрчитинэн Саха Өрөспүүбүлүкэтэ Бурятия Өрөспүүбүлүкэтин итиэннэ бырамыысыланнас уонна эргиэн министиэристибэтин кытары «Россия Федерациятыгар салгынынан сырыы олохтоох линияларын тэрийии туһунан» сөбүлэһиигэ илии баттаһыа. Итини таһынан, Внешэкономбааны кытары бииргэ үлэлээһин меморандумугар илии баттаныаҕа, 2018-2020 сс. Краснодар кыраайын кытары сөбүлэһии түһэрсиллиэҕэ.

Раиса Сибирякова, edersaas.ru

+1
0
+1
0
+1
0
+1
0
+1
0
+1
0
+1
0