Михайлова: «Навальнай миитинигэр университеттан соҕотох устудьуон кытынна»

Хотугулуу-Илиҥҥи университет ректора Евгения Михайлова ЯСИА сайтка эппитинэн, айдааннаах Алексей Навальнайы өйүүр сыаллаах бэҕэһээҥҥи көҥүлэ суох миитиҥҥэ ХИФУ-ттан биир эрэ устудьуон кыттыбыт. Ол, бэйэтэ этэринэн, охтон түһэригэр тииһин тоһуппут Вадим Васильев.

«Биһиги миитин буоларын эрдэттэн билбиппит. Математика уонна информатика институтун ыстаарыһаларын кытта мунньахтаабыппыт, миитиннииргэ маннааҕы былаастартан көҥүл ылыллыбатаҕын быһаарбыппыт, сокуоннайа суох дьайыыны оҥороойоҕут диэбиппит«, — диир ректор.

Санатан эттэххэ, бэҕэһээ полициялар миитиннээччилэртэн ХИФУ устудьуона Вадим Васильевы туппуттара. Кини Томскайга бакалавриаты бүтэрэн кэлбит. Онно Навальнай штабын волонтерынан үлэлээбит.

Миитиннээччилэр Доҕордоһуу болуоссатыгар сүүрбэччэ буолан мустубуттар, ол күн оҕуруот аһын атыылыыр быыстапка буола турбута. Устудьуоннар быыстапкаҕа мэһэйдээтилэр.  Көҥүлэ суох миитиннээччилэри полицейскайдар маҥнай тарҕаһарга көрдөспүттэр, истибэтэхтэри тутуталаабыттар.

Ыспыраапка

Навальнай Алексей — националистардыын кыттыһар, «Русский марш» тэрээһиннэрин өйүүр оппозиционер-политик.

https://ysia.ru/glavnoe/evgeniya-mihajlova-v-mitinge-v-podderzhku-navalnogo-uchastvoval-tolko-odin-student-svfu/