«Саха сирин бриллианнара» үҥкүү кэлэктиибэ Болгарияттан илии тутуурдаах, өттүк харалаах эргилиннэ.
Надежда ЕГОРОВА, «Саха сирэ» хаһыат, edersaas.ru
СӨ үтүөлээх артыыската Зоя Михайловна, РФ уонна СӨ үтүөлээх артыыһа Афанасий Афанасьевич Соловьевтар салайар оҕолоро «Славянский венец» аан дойдутааҕы VI фестиваль-көрүүгэ ситиһиилээхтик кытыннылар. Манна славян өрөспүүбүлүкэлэриттэн, СНГ уонна Европа дойдуларыттан үҥкүү кэлэктииптэрэ (ол иһигэр, Саха сириттэн) бэйэлэрин маастарыстыбаларын көрдөрдүлэр, биир саастыылаахтарын айар дьоҕурдарын билистилэр, хореографияҕа үөрүйэхтэрин атастастылар уонна, биллэн турар, саҥа доҕоттордоннулар.
Фестиваль-куонкуруһу «Турал» туристическай компания Варна к. мэриятын көҕүлээһининэн тэрийдэ.
Ыалдьытымсах Болгария сиригэр ыытыллыбыт искусство улахан бырааһынньыгын ыалдьыттарын Саха сирин оҕолоро чаҕылхай нүөмэрдэринэн сөхтөрдүлэр. Оҕолор «Дыхание Севера», «Сайын», «Куукулалар» уо.д.а. үҥкүүлэриттэн көрөөччүлэр Саха сирин үгэстэрин билистилэр. Солистар Элеонора Оконешникова «Хопто» уонна Уйгу Барашкова «Куукула» тэтимнээх үҥкүүлэринэн дипломант буоллулар.
Түмүккэ «Саха сирин бриллианнара» кэлэктиип «Славянский венец» Гран-притын ылла.
Надежда ЕГОРОВА, «Саха сирэ» хаһыат, edersaas.ru