close
«Фидели сахалар көрсүбүттэрэ»
· - Бэлиитикэ

«Фидели сахалар көрсүбүттэрэ»

Бүгүн 90 сааһыгар Көҥүл арыы — Куба духуобунай лидерэ Фидель Кастро олохтон туораата. Биһиги, сэбиэскэй дойду эрдэхпитинэ, Кубаны кытта үчүгэй сыһыаннаах этибит, көмөлөспүппүт да элбэх. Быйыл атырдьах ыйыгар Фидель Кастроҕа Саха сириттэн Ил Түмэн депутата Виктор Губарев төрөөбүт күнүнэн эҕэрдэ ыытан турар.

Бүгүн, өрөбүл күн, депутаты суотабайыгар эрийэн буллубут. Edersaas.ru сайтка анаан санаатын этэргэ сөбүлэстэ.

 

gubar

Виктор Губарев, КПРФ Саха сиринээҕи рескомун бастакы сэкирэтээрэ:

— Бары олус истэн соһуйдубут, сүүскэ бэрдэрбит курдук буоллубут. Боростуой дьон кырдьыгын көмүскэһэр киһи этэ. Кинини кытта бүгүн революционнай охсуһуу эпохата түмүктэннэ. Куба биһиэхэ, сэбиэскэй дьоҥҥо,  хорсун буолуу холобура этэ. Арыыга олохтоммут американскай режими сүргэйбитэ, дьонугар көҥүлү аҕалбыта. Фидели уопсайа 638 төгүллээн өлөрө сатаабыттара. Арҕааҥҥы дойдулар хайдах курдук абааһы көрөллөрө, хас сырыы аайы тыыннаах хааларыгар дьоно-сэргэтэ кинини олус харыстыыра итиннэ көстөр. Урут Саха сириттэн комсомолецтар Кубаҕа хаста да бара сылдьыбыттара.

— Эн кинини тыыннаахтыы көрбүттээххин дуо?

— Хомойуох иһин, суох. Ол оннугар мин биир санаалахтарым көрбүттэрэ, көрсүбүттэрэ. Мин билэрбинэн, Саха сирин комсомолецтара Алексей Томтосов, Артур Алексеев делегацияны кытта Кубаҕа сылдьыбыттара, Фидель Кастроны көрсүбүттэрэ. Киниэхэ Саха сирин туһунан кэпсээбиттэрэ. Ити 1980-с сс этэ.

 

Ыспыраапка

 

Фидель Кастро Рус (Fidel Alejandro Castro Ruz) 1926 сыл атырдьах ыйын 13 күнүгэр төрөөбүтэ.

1952 сыллаахха Кубаҕа байыаннай переворот көмөтүнэн Фульхенсио Батиста генерал былааһы ылбытыгар, кинини утары киирсэн саҕалаабыта.

1959 сыллааҕы революция Батиста диктатуратын түҥнэрбитэ, Ф.Кастро Куба армиятын салайан барбыта.

1961 сыллаахха Америка кинини утары наймыламмыт боевиктары ыыппытыгар, Кастро интервеннэри урусхаллыыр операцияны салайбыта. Тута дойду социализм суолун тутуһан сайдыаҕын ыйбыта.

1965 сылтан Фидель Кастро Кубатааҕы КП КК бастакы сэкирэтээрэ.

2006 сыллаахха доруобуйата мөлтөөн, былааһын быраатыгар Рауль Кастроҕа биэрбитэ.

2016 сыл сэтинньи 26 күнүгэр (12:29 Дьокуускай бириэмэтинэн) олохтон туораата.

Фидель Кастро 90 сааһыгар олохтон туораата

Фидель Кастро 90 сааһыгар олохтон туораата

https://www.youtube.com/watch?v=pza4IINnlgk

https://www.youtube.com/watch?v=wjborJIjDYk

https://www.youtube.com/watch?v=0j8ESC1Nxao

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

1 × 4 =