close
Финалистартан ким инники күөҥҥэ иһэрий?
Олох-дьаһах - Эдэр саас

Финалистартан ким инники күөҥҥэ иһэрий?

«Саха сирин киэн туттуута» норуот бириэмийэтин «Баҕа өттүнэн көмөлөһөөччү» («Доброволец») номинация биэс финалиһыттан сэтинньи 7 күнүнээҕи куоластааһын түмүгүнэн инники күөҥҥэ иһэр дьон билиннилэр.

edersaas.ru

Биэс күөн күрэстэһээччиттэн сэтинньи 7 күнүгэр 17 ч. туругунан  Кэбээйи улууһуттан сылдьар   ХИФУ устудьуоннарын  идэлээх сойууһун баҕа өттүнэн көмөлөһөөччүлэр «ВиНиЛ» кииннэрин салайааччыта Гликория Оконешникова инники күөҥҥэ таҕыста. Кини туһатыгар 3462 куолас киирдэ, онтон 1919 — в социальнай ситимнэргэ. Салгыы финалистар көрдөрүүлэрэ маннык буолла:

—  Владислав Соловьев, Нам улууһа,  3170  куоластаах, онтон  1227 — социальнай ситимнэргэ;

—  Афанасий Алексеев,  «Японец» автокиин салайааччыта, Дьокуускай к.,  1661  куоластаах,  670 — социальнай ситимнэргэ;

—  Пётр Черкашин, Уус Алдан улууһа, 1401 куоластаах, 728 — социальнай ситимнэргэ;

—  Наталья Миронова, Дьокуускай к., 1215 куоластаах, 462— социальнай ситимнэргэ.

Сэтинньи 9 күнүгэр, бээтинсэҕэ, 17 ч. «Саха сирин киэн туттуута» норуот бириэмийэтин «Баҕа өттүнэн көмөлөһөөччү» (доброволец) номинациятын КЫАЙЫЫЛААҔА биллиэҕэ.

«Бастыҥ» номинация иһин куонкурус үлэ түмүгүн таһаарар, талааннары көрдүүр куоластааһын буолбатах. Бу аттыбытыгар үлэлии сылдьар, таптыыр идэлэригэр, интэриэстэригэр таба тайаммыт, үлэттэн, таптыыр дьарыктарыттан дьоллонор дьону кэмигэр бэлиэтээн көрүү буолар. Кинилэргэ махтал тылларын саамай үлэлэрин, айар-тутар кэмнэрин үөһүгэр сырыттахтарына этэн үөрдүү.

«Саха сирин киэн туттуута» норуот бириэмийэтин тэрийээччи — «Сахамедиа» холдинг («Якутия» уонна «Саха Сирэ» хаһыаттар, YSIA.RU информагентство ,  edersaas.ru, gazetayakutia.ru, ulus.media саайтар).

Генеральнай спонсордар — «Көмүлүөк» саха иһитин оҥорор уонна «Киэргэ» ювелирнай фирмалар.

 Үтүө Дьулуур сылыгар биллэриллибит «Саха сирин киэн туттуута» норуот бириэмийэтин уочараттаах «Баҕа өттүнэн көмөлөһөөччү» («Доброволец») номинациятыгар  ким кыайыылаах тахсара эһигиттэн тутулуктааҕын умнумаҥ. Ыйытыыларгытын бырайыак ааптара Григорий Фоменкоҕа (89248635481) биэриэххитин сөп .

Елена ПОТОЦКАЯ, «Саха сирэ» хаһыат, edersaas.ru

 

#бүгүн: 2
0
0

Сайт матырыйаалларын ааптар көҥүлэ суох ылар бобуллар.

Мин санаам:

четыре + восемь =