Бу күннэргэ Белоруссияҕа экспериментальнай физикаҕа норуоттар икки ардыларынааҕы V олимпиада (IEPhO-2017) буолан ааста. Саха сирин аатыттан Өрөспүүбүлүкэтээҕи лиссиэй-интэринээт 9-с кылааһын үөрэнээччилэрэ Артем Васильев, Слава Слепцов, 8-с кылаас үөрэнээччилэрэ Стас Новиков, Дьокуускай куораттааҕы физико-техническэй лиссиэй 9-с кылааһын үөрэнээччитэ Вася Волков кытыннылар. edersaas.ru
Олимпиада сэтинньи 25 күнүттэн ахсынньы 2 күнүгэр диэри Белоруссия Витебскэй уобалаһыгар буолла. Ол түмүгэр, Артем үрүҥ көмүс мэтээли ылары ситистэ. Слава, Стас уонна Вася боруонса мэтээли иилиннилэр.
Санатан эттэххэ, тустаах олимпиадаҕа биһиги өрөспүүбүлүкэбит иккиһин кыттар. Былырыыҥҥы олимпиадаҕа аҕыс оҕо кыттыбытыттан Вася Волков уонна Слава Слепцов үрүҥ көмүс мэтээллээх эргиллибиттэрэ. Быйыл кинилэр билиилэрин уонна сатабылларын өссө төгүл бигэргэттилэр.
Үөрэнээччилэр “2012-2019 сс. СӨ үөрэх сайдыыта” судаарыстыбаннай бырагыраама “Талааннаах оҕолору өйүүр сайдыы систиэмэтэ” тэрээһиннэр олоххо киириилэрин чэрчитинэн бэлэмнэммиттэрэ уонна кытыннылар.
СӨ Үөрэҕин уонна наукатын министиэристибэтин саайтыттан.
+1
+1
+1
+1
+1
+1
+1