close

Денис Белозеров муора пуортарын сөргүтэри туруорсар...
· - Олох-дьаһах

Денис Белозеров муора пуортарын сөргүтэри туруорсар

Бэҕэһээ, ахсынньы 6 күнүгэр, СӨ бырабыыталыстыбатын бэрэссэдээтэлин солбуйааччы Денис Белозеров «Восточная Арктика: перспективы и цели развития» дакылаатынан «Восточная Арктика: перспективы и цели развития» диэн норуоттар икки ардыларынааҕы форумҥа кытынна.

Форум модераторынан М.В. Ломоносов аатынан Москватааҕы судаарыстыбаннай университет географическай факультетын кафедратын сэбиэдиссэйэ Михаил Слипенчук үлэлээтэ. Оттон ырытыыга полярниктар ассоциацияларын бэрэсидьиэнэ Артур Чилингаров, Санкт-Петербург вице-губернатора Михаил Кучерявай, Госдуума дьокутаата Григорий Ледков уонна Арассыыйа уокуруктарын, уобаластарын салалталара кытыннылар.

Денис Белозеров Таймыыр-Турухааннааҕы, Саха сирин хоту уонна Чукоткатааҕы зоналарыгар инфраструктура ситэ сайдыыта суоҕун бэлиэтээтэ. Чуолаан Тиксиитээҕи уонна Зеленай Мыстааҕы муора пуортарын сөргүтэр наадатын эттэ. «Арктика олохтоохторо бу бырайыактар сайдыыларын көрүөхтэрин, олохторугар туһаныахтарын баҕарабын. Ол иһин «Об Арктической зоне Российской Федерации» диэн федеральнай сокуон олоххо киирэрин күүтэбин«, — диир бырабыыталыстыба бэрэссэдээтэлин солбуйааччы.

Форум бүтэһик күнүгэр, ахсынньы 7 күнүгэр, арктикатааҕы бэбиэскэ түмүктэрин таһаарыахтара диэн Саха сирин Бастайааннай бэрэстэбиитэлистибэтэ иһитиннэрэр. edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

пятнадцать − семь =