“Орто Дойдуга” ыччат форума саҕаланна (ВИДЕО, ХААРТЫСКАЛАР)

Бөлөххө киир:

«Хотугу Синергия» ыччат форума үлэтин саҕалаата. Интэриэһинэй бырайыактаах, үгүс саҥа этиилээх, ураты көрүүлээх эдэр дьон Хаҥалас улууһугар баар “Орто Дойду” комплекска муһуннулар. От ыйын 26 күнүгэр, форум арыллыытын үөрүүлээх чааһа буолла. edersaas.ru

Манна Ыччат дьыалаларын уонна дьиэ кэргэн бэлиитикэтин миниистирэ Афанасий Владимиров, Айылҕа харыстабылын миниистирэ Сахамин Афанасьев, коммунальнай хаһаайыстыба уонна энергетика миниистирэ Гаврил Левин тыл этэн, мустубут ыччаты уруйдаан-айхаллаан көрүстүлэр. Миниистирдэр тыл этэн бүппүттэрин кэнниттэн форум хайысхаларын салайааччылара «Хотугу Синергия» былааҕын өрө тэлимнэтэ күөрэттилэр.

Быйыл «Хотугу Синергия» сэттэ хайысханан («Мин – инженербин», «Ыччат уопсастыбаннай холбоһуктарын салайааччылара», «Эдэр предпринимателлэр», «Арктика экологията», «Үлэһит ыччат», «IT-Синергия», «Волонтер оскуолата») үлэлиэҕэ. Быйыл “Арктика экологията” диэн саҥа хайысха эбиллэн биэрдэ. Хас биирдии хайысхаҕа ыҥырыылаах эксперт-коучтар лекциялара, маастар-кылаастара ыытыллыахтара. Биэс күн устата кыттааччылар араас бырайыактарын ситэрэн-хоторон көмүскүөхтэрэ. Бастыҥнар 50 тыһ. солк, 100 тыһ. солк. суумалаах граннарынан наҕараадаланыахтара.

Форумҥа кытта диэн Саха сирин 25 улууһуттан, Хабаровскай кыраайтан, Магадан уобалаһыттан уопсайа 300 ыччат кэллэ. Онон биэс күн устата ыччат санаа атастаһыаҕа, бырайыагын кэпсиэҕэ, үөрэниэҕэ, ирэ-хоро сэһэргэһиэҕэ. “Хотугу Синергия” от ыйын 30 күнүгэр диэри буолар.

Айтана АММОСОВА бэлэмнээтэ.

Айаал Кривошапкин хаартыскаҕа түһэриитэ.

 edersaas.ru

[vc_video link=»https://www.youtube.com/watch?v=VN5XAtYpWI4″ title=»«Хотугу Синергия«. Бастакы күн.»]

+1
0
+1
0
+1
0
+1
0
+1
0
+1
0
+1
0