“МегаФон» хампаанньа хас биирдии килиэйиэнэ 2019 сыл бастакы кыбаарталыгар ортотунан 10,7 Гб интэриниэт-трафигы туһаммыт. Бу ааспыт сыллааҕар 27,6% улаханын туһунан туһааннаах оператор пресс-сулууспата иһитиннэрдэ.
edersaas.ru
“МегаФон” исписэлиистэрэ иһитиннэрбиттэринэн, абоненнар интэриниэт-сервистэринэн күүскэ туһанар буолбуттар. «Включайся!» тарыыпка холбонон киинэ көрөллөрө, муусука истэллэрэ элбээбит.
Хампаанньа цифровой сервистэриттэн, ол иһигэр МегаФон.ТВ, оонньуулартан, муусукаттан, М2М уонна да атын өҥөлөртөн киирэр үп-харчы улаатан иһэрин бэлиэтиир тоҕоостоох. Манна өссө “Цифровая экономика” судаарыстыбаннай бырагыраама чэрчитинэн, «Безопасный город» уонна «Умный город» сыһыарыылартан киирэр үбү-харчыны киллэриэххэ сөп. Онон 2019 сыл үс бастакы ыйыгар цифровой өҥөлөртөн киирэр үп былырыыҥҥытааҕар 50,3% үрдээбит.
Онтон суотабай төлөпүөнү, араас тиэхиньикэни, аксессуардары атыылааһынтан киирэр харчы былырыыҥҥытааҕар 31% улаатан, 7,362 млрд солкуобайга тиийбит. Бу Samsung уонна Apple фирма смартфоннарын атыылааһыны кытары быһаччы сибээстээх.
edersaas.ru