Гаас Чурапчы, Мэҥэ Хаҥалас уонна Горнай улууһун нэһилиэктэригэр тардыллыаҕа

Ааптар: 
Бөлөххө киир:

СӨ бырамыысыланнаска миниистирэ Андрей Панов бүгүн Саха сирин 2012-2019 сылларга гаастааһын туһунан кэпсэтээтэ. 2016 сылга  оройуоннарга гаас ситимин тардыллыытын туһунан иһитиннэрииттэн саҕалаата. 

— Горнай улууһун Ааһыма бөһүөлэгэр гаас турбата тардылынна. Ил Дархан кыттыылаах бастакы факелы уматыы 2016 сыл балаҕан ыйыгар ыыттыллыбыта.

— Мэҥэ Хаҥалас Бөкө, Бэдьимэ уонна Суола (Моорук) сэлиэнньэлэригэр гаас киирдэ.

— Уопсайа 82,7 км гаас турбата тардылынна: 19,7 км сүрүн суол гааһын турбата, 2,3 км туора барар гаас турбата, 3,8 км нэһилиэктэр икки ардыларынааҕы гаас турбата уонна 56,9 км нһилиэктэр истэригэр тардыллыбыт гаас турбата.

— Уопсайа, 1978 олорор дьиэҕэ гаас киирдэ.

— 2016 сылга гаас ситимин тардыытыгар, уопсайа, 995 мөлүйүөн солкуобай көрүллүбүтэ. Онтон 233,6 мөлүйүөн Саха Өрөспүүбүлүкэтин бүддьүөтүттэн уонна 761,4 мөлүйүөн солкуобай бүддьүөт таһынан көрүллэр харчы.

Быйыл Чурапчы улууһун Туора Күөлүгэр уонна Дьабылытыгар, Мэҥэ Хаҥалас Таратыгар уонна Бүтэйдээҕэр, Горнай улууһун Ааһыма сэлиэнньэтигэр гаас ситимэ тардыллан, 1900 олорор дьиэҕэ киирэрэ былааннанар. Бу ситими тардарга 1 069 364 солкуобай көрүлүннэ.

Быйылгы сылга 4,6 км сүрүн суол гааһын турбата уонна 4,85 км нэһилиэктэр истэригэр ыытыллар гаас турбата тардылынна. Сыллааҕы былааны толорор үлэ бара турар.

Маны таһынан, ыам ыйын 2 күнүгэр Петербурдааҕы норуоттар икки ардыларынааҕы экономическэй форумҥа Ил Дархан Егор Борисов «Газпром» салалтатын бэрэссэдээтэлэ Алексей Миллердыын көрсөн, Ленскэй, Өлүөхүмэ, Алдан уонна Нерюнгри оройуоннарыгар 2016-2025 сылларга гаас ситимэ тардыллар бырайыагын чопчуласта. Бу бырайыагынан, 29 сэлиэнньэҕэ гаас ситимэ тардыллыахтаах, 761 км гаас турбата ууруллуохтаах, 6657 дьиэ уонна 90 хочуолунай гаастаныахтаах.  Бырайыак олоххо киирэригэр 13,1 миллиард үп көрүлүннэ. Билигин Өлүөхүмэ куорат иһинээҕи гаас ситимэ тардыллар бырайыага оҥоһулла турар.

Николай Попов «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0