Географияны төһө билэҕин? Бүгүн –диктант

Бөлөххө киир:

Сэтинньи 26 күнүгэр, олохтоох бириэмэнэн 12 чааска дойдубут үрдүнэн географическай диктант саҕаланар.

edersaas.ru

Географияны билиигэ диктаны суруйуу анал былаһааккаларга уонна dictant.rgo.ru. бырайыак сайтыгар, бу быйыл үһүс төгүлүн ыытыллар.

Диктаны тэрийээччинэн Нуучча географическай уопсастыбата (РГО) буолар, оттон көҕүлээччи  –  бары билэргит курдук – РФ Бэрэсидьиэнэ Владимир Путин.

Кыттааччытын ахсаана сыллата эбиллэ турар. Оттон түмүк, бу иннинээҕи суруйууларга – 100-тэн ортотунан 52 баал буолбута. Оскуола сыанатынан ыллахха, “3” сыанаҕа тэҥнэһэр эбит.

Экспертэр этэллэринэн, оскуолаҕа географияны сэбиэскэй кэмҥэ үөрэппит көлүөнэ – 54 саастарыттан аҕа дьон көрдөрүүлэрэ ордук.

Саха Өрөспүүбүлүкэтигэр 18-тан 30-гар диэри саастаах ыччат диктаҥҥа көхтөөхтүк кыттара кэрэхсэбиллээх, ол эрээри, көрдөрүүтүнэн аҕа көлүөнэ эмиэ инники иһэр. Ити биир биричиинэтинэн билигин оскуолаҕа география биридимиэтигэр, бырагырааматын аччаппакка туран, сэбиэскэй кэминээҕи 16 чаас оннугар 8 эрэ чаас бэриллэрэ буолар, дииллэр педагогтар.

Оскуолаҕа географияны үөрэтии проблемаларыгар, нэһилиэнньэ географияны билиитин үрдэтии, географияҕа, дойдубут историятыгар интэриэһи  күүһүрдүү, диктаны суруйааччылар туох кыһалҕалары көрсөллөрүй, о.д.а. тирээн турар боппуруостарга сэтинньи 23 күнүгэр “Сахамедиа” өрөспүүбүлүкэтээҕи медиакииҥҥэ онлайн-биэриигэ  “төгүрүк остуол” буолла. Кэпсэтиини суруналыыс Роза Борисова иилээн-саҕалаан ыытта.

Кыттыыны ыллылар: Михаил Черосов, профессор, ХИФУ Естественнэй наукаларга институтун географияны үөрэтиигэ бырагыраамаларын салайааччы, б.н.д., РГО Саха Өрөспүүбүлүкэтигэр салаатын Сэбиэтин чилиэнэ; Юрий Данилов, профессор, ХИФУ Естественнэй наукаларга институтун географияны үөрэтиигэ бырагыраамаларын салайааччы, г.н.к, РГО Саха Өрөспүүбүлүкэтигэр салаатын бэрэссэдээтэлин э.т.; Ольга Кривошапкина, ХИФУ Естественнэй наукаларга институтун педагогическай салаатын профессора; Аркадий Исаев, РНА СС Биология институтун лабораториятын сэбиэдиссэйэ, б.н.д.; Тамара Михайлова, Дьокуускай куораттааҕы национальнай гимназия географияҕа учуутала, РГО Саха Өрөспүүбүлүкэтигэр салаатын Сэбиэтин чилиэнэ; Леонид Подвигин, В.П.Ларионов аатынан Физико-техническэй лицей дириэктэрин солбуйааччы, география учуутала; Александра Дмитриева, “Айыы кыһатын” (ЯГНГ) алын сүһүөх кылаастарын учуутала; Лена Бочкарева, Нам улуустааҕы гимназиятын географияҕа учуутала; Людмила Аргунова, ХИФУ Естественнэй наукаларга институтун 2-с кууруһун устудьуона, о.д.а.

Биһиги Сахабыт сиригэр былырыын 2016 сылга географическай диктант 686 былаһааккаҕа ыытыллыбыта. Быйыл кыттааччы ахсаана өссө элбиэ уонна көрдөрүүбүт тупсуо диэн эрэнэбит. Аҥаардас Дьокуускай куоракка 103 былаһаакка тэрилиннэ.

Татьяна Маркова.

+1
0
+1
0
+1
0
+1
0
+1
0
+1
0
+1
0