Георгий Балакшин спорт миниистирэ буолла

СӨ Ил Дарханын Егор Борисов 1530-с №-дээх ыйааҕынан Георгий Балакшин спорт миниистиринэн ананна.

Георгий Русланович Балакшин (1980 сыллаахха кулун тутар 6 күнүгэр Ньурба улууһугар төрөөбүтэ) – буоксаҕа Европа (2002, 2004, 2006 сс.), Россия (2002-2003, 2006, 2007 сс.) чөмпүйүөнэ. 2004 с. уонна 2008 с. Россия Олимпиадаҕа сүүмэрдэммит хамаандатын чилиэнэ, спорт үтүөлээх маастара (2002).

1997 с. – Дьокуускайга баар Спорт Үрдүкү Маастарыстыбатын оскуолатын тренер-преподавателэ;

2006 с. – М.К. Аммосов аатынан СГУ физкультура уонна спорт институтун бүтэрбитэ;

2008-2013 сс. — Саха Өрөспүүбүлүкэтин норуодунай дьокутаата;

2010 с. – РФ Федерациятын Сүбэтигэр Саха сирин судаарыстыбаннай мунньаҕын бэрэссэдээтэлэ;

2013 с. – СӨ спордун миниистирин бастакы солбуйааччы.