Сахабыт сирин биир кэрэ-мааны куота Анжелика Назарова кастины ааһан, билигин Москваҕа «Мисс Россия» куонкуруска кытта сылдьар. Ааспыт сайын тэрийээччилэр @miss_russia_org диэн Инстаграм социальнай ситимҥэ Анжеликаны бэлиэтээн дьон дьүүлүгэр таһаарбыттара. Түмүктүүр кастиҥҥа тута ыҥырбыттара.
«Мисс Россия» куонкуруска кыттыы туһунан Анжелика «Эдэр сааска» маннык кэпсээбитэ:
— Миигин Инстаграмҥа бэлиэтээбиттэриттэн соһуйбутум. «Мисс Россия» тэрийээччилэрэ суруйан, Москваҕа ыҥырбыттара. Олус долгуйбутум уонна үөрбүтүм. Куонкурус генеральнай дириэктэрэ бэйэтинэн кэлэн кэпсэппитэ, онтон хаартыскаҕа түһэрбиттэрэ, анкета толотторбуттара. Саамай үөрбүтүм уонна соһуйбутум диэн миигин тута түмүктүүр кастиҥҥа ыҥырбыттара. Ол арааһа, саас буолуо. Кистээбэккэ эттэххэ, испэр маннык хабааннаах куонкурустарга кыттыахпын баҕарталыыр этим.
Анжелика Назарова Горнай улууһуттан төрүттээх, АГИИК устудьуона, «Юная Краса Якутии 2011», «I Вице Мисс Якутия-2012» титуллаах. Саха кэрэ куотугар ситиһиилэри баҕарабыт!
«Мисс Россия» быйыл 25-c төгүлүн муус устарга Москваҕа ыытыллар. Кыайыылаах үрүҥ көмүстэн (белое золото) оҥоһуллубут, бриллианынан, чөмчүүгүнэн киэргэтиллибит хоруонанан уонна харчынан наҕараадаланыаҕа. Ону таһынан «Мисс Мира» уонна «Мисс Вселенная» куонкурустарга Арассыыйа чиэһин көмүскүөҕэ.
Саха сирин аатыттан кэлиҥҥи сылларга кыттыбыт кэрэ куолар:
Олеся Кондакова-Захарова, 2012 с.