Госдуумаҕа биир кэлим эксээмэни (БКЭ) уларытар сокуон барылын киллэриэхтэрэ
ЛДПР дьокутааттара бээтинсэҕэ Госдуумаҕа биир кэлим эксээмэни (БКЭ) уларытар туһунан сокуон барылын киллэриэхтэрэ диэн Новости РИА суруйар.
Биир кэлим эксээмэни (ЕГЭ) оскуоланы бүтэрэр уонна үрдүк үөрэххэ туттарсар ньыма быһыытынан тохтотор сабаҕаланар. Биир кэлим эксээмэни судаарыстыбаннай эксээмэнинэн солбуйуохха сөп диэн быһаарар сурукка ыйыллыбытыгар тустаах сайт сигэнэр.
Бырайыагы көҕүлээбит дьон, биир кэлим эксээмэҥҥэ (ЕГЭ) үөрэнээччи бэйэтэ бэлэмнэнэрэ кыаллыбатын быһаарбыттар. Көдьүүстээх буоларын туһугар төлөбүрдээх репетитордары наймылаһаллар, ол хас биирдии төрөппүккэ кыаллыбат диэн бэлиэтииллэр.
Тустаах сокуон барыла бигэргэнэр түгэнигэр, үрдүк үөрэх кыһаларыгар киирэр оҕолор саарбах биир кэлим эксээмэн түмүгүнэн буолбакка, бэйэлэрин билиилэринэн киирэр кыахтаныахтара уонна үөрэнээччилэр хаачыстыбалаах сүүмэрдээһини ааһан үөрэххэ киирэллэригэр кыах бэриллиэ диэн ыйбыттар.
Биһиги корр., “Саха сирэ” хаһыат, edersaas.ru
Хаартыска: интэриниэттэн