ГРЭС саахалын кэмигэр уулуссаҕа бэрээдэги кэһии төһө таҕыста?

Ааптар: 
Бөлөххө киир:

Бэҕэһээ, алтынньы 1 күнүгэр, ГРЭС-1 тахсыбыт улахан саахалынан сибээстээн, Дьокуускай куорат полицията үлэтин күүһүрдүбүтэ. Уулуссаларга эбии нэрээттэр тахсыбыттара. Полиция дьону улахан кыһалҕата суох буоллахха, дьиэттэн мээнэ тахсыбатыгар көрдөспүтэ.

Маныаха эмискэ бүрүүкээбит хараҥанан бэрээдэги, сокуону кэһээччилэр туһаммыттар эбит дуо? 

edersaas.ru


Биһиги сайтпытыгар анаан СӨ ИДьМ-тын пресс-сулууспата бу курдук иһитиннэрдэ:

— Ыксаллаах-быһыы майгы үөскээбитинэн сибээстээн, СӨ Ис дьыалаҕа  министиэристибэтин салалтатын бирикээһинэн, Дьокуускай куорат полициятын личнэй састааба бүтүннүү суһаллык күүһүрдүллүбүт эрэсииминэн сулууспаҕа тахсыбыта.

Бэрээдэги маассабайдык кэһии уонна онтон да атын буруйу оҥоруу тахсыбатын туһугар, алтынньы 1 күнүн 16.30 мүн. саҕалаан, уулуссаларга уот кэлиэр диэри кэмҥэ, полиция нэрээттэрэ эбиллибиттэрэ. Бары стратегическай эбийиэктэргэ харабыллааһын күүһүрдүллүбүтэ.

ГРЭС эбийиэктэригэр анал тырааныспар туох да мэһэйэ суох тиийэрин хааччыйбыттара.

Уулуссаларга массыыналар ордук элбээбит сирдэригэр уонна суол быһылааннара тахсыбаттарын туһугар ГИБДД иниспиэктэрдэрэ хамсааһыны илиилэринэн салайбыттара.

Сүрүннээн, бу саахал кэмигэр киин куорат уонна чугастааҕы улуустар уулуссаларыгар уопсастыбаннай бэрээдэги кэһии итиэннэ эмсэҕэлээччилэрдээх суол быһылааннара тахсыбатылар.

Вера МАКАРОВА, «Саха сирэ» хаһыат, edersaas.ru

Роман Попов хаартыскаҕа түһэриитэ.

+1
0
+1
0
+1
0
+1
0
+1
0
+1
0
+1
0