close
ГТО кыһыл, үрүҥ көмүс бэлиэлээхтэр үрдэтиллибит истипиэндьийэни ылыахтарын сөп...
Дьулуур - Кыһа

ГТО кыһыл, үрүҥ көмүс бэлиэлээхтэр үрдэтиллибит истипиэндьийэни ылыахтарын сөп

Бэҕэһээҥҥиттэн Хотугулуу-Илиҥҥи федеральнай университекка “ГТО бэлэммин” диэн физкультурнай -спортивнай комплекс нуорматын туттарыыга Бүтүн Арассыыйатааҕы устудьуоннар бэстибээллэрин сүүмэрдиир түһүмэҕэ саҕаланна.

edersaas.ru

Түөрт күн устата университет бары салааларыттан барыта 1800 устудьуон кыттыаҕа. Бэстибээл аһыллыытыгар ХИФУ педагогическай үөрэхтээһиҥҥэ проректора Михаил Федоров дойду бэрэсидьиэнэ ыытар бэлиитикэтин көмөтүнэн ГТО саҥалыы сайдан, кыаҕын ылан эрэрин бэлиэтээтэ. “Ыччат чөл олоҕу тутуһара, спордунан дьарыктанара хайҕабыллаах. Мин эмиэ бэйэбин өйдүүр буолуохпуттан спорка сыстыбытым, билигин даҕаны сүүрэрбин тохтоппоппун. Хас биирдии ыччат доруобай, киэҥ билиилээх, ситиһиилээх буоларыгар баҕарабын”, — диэн проректор баҕа санаатын тиэртэ.

Оттон ГТО кыһыл көмүс бэлиэлээх ХИФУ физическэй култуураҕа уонна спорка институтун дириэктэрэ Дмитрий Платонов ГТО тургутуу эрэ буолбатаҕын, бэйэ туругун, кыаҕын холонон көрүү диэн эттэ.

Устудьуоннар үс таһымнаах нуорманы туттараллар. Сүүмэрдиир түһүмэх түмүгүнэн кыһыл, үрүҥ көмүс бэлиэлэри ылбыттар үрдэтиллибит истипиэндьийэҕэ киирсиэхтэрин сөп. Ити туһунан ХИФУ пресс-сулууспата тустаах үөрэх кыһатын саайтыгар суруйар.

 

Бэйэбит инфо.

Мичил ЯКОВЛЕВ хаартыскаҕа түһэриитэ.

 

 

#бүгүн: 1
1
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

два × 3 =