Хаайыылаахтар хаар оҥоһуктарга күрэхтэстилэр

Ааптар: 
Бөлөххө киир:

Өрөспүүбүлүкэ холуонньаларыгар сылын аайы хаар оҥоһуктарга куонкурус ыытыллар. Ахсынньыттан олунньуга диэри. 

edersaas.ru

Бу күннэргэ быйылгы куонкурус түмүгэ таҕыста. Кыайыылаахтары быһаарар хамыыһыйаҕа Накаастабылы толорор управление үлэһиттэрэ уонна Уопсастыбаннай сэбиэт чилиэннэрэ киирдилэр.

Куоластааһын түмүгүнэн, бастакы миэстэни Дьокуускай куорат 1 №-дээх кытаанах эрэсиимнээх холуонньа, иккиһи — Силиэстийэлиир изолятор хаһаайыстыбаҕа үлэлиир этэрээтэ, үсүһү — Мохсоҕоллоохтооҕу 6 №-дээх кытаанах эрэсиимнээх холуонньа ыллылар.

Управление начальнигын солбуйааччы, ис сулууспа полковнига Владимир Узлов бэлиэтээбитинэн, бу куонкуруска кыттыбыт хаайыылаахтар биһирэниэхтэрэ, оттон кыайбыт хамаандаларга грамоталары уонна бэлэхтэри туттарыахтара.

Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата. 

+1
0
+1
0
+1
0
+1
0
+1
0
+1
0
+1
0