Дьокуускай куорат уулуссаларыгар мунньуллубут хаары, ону таһынан сорох дьон бөҕүн-саҕын Эргиир (Объездной) суол таһыгар илдьэн сүөкүүллэр. Бу туһунан «Саха сирэ» хаһыакка биһиги элбэхтик суруйан турабыт.
edersaas.ru
Хас да сылы быһа мунньуллубут кирдээх хаар, бөх-сах саас, сайын ахсын сытыйан, полигон аттыгар олорор дьон үгүс эрэйи көрсөллөр. Өссө маны ааһан, ыаллаһа олорор дьиэлэр тэлгэһэлэрэ ууга барар. Дьокуускайдааҕы айылҕа харыстабылын кэмитиэтэ «айдааннаах» полигон өссө былырыын сайын сабыллыбытын туһунан иһитиннэрдэ. Хомойуох иһин, сорох урбаанньыттар кирдээх хаары сабыллыбыт полигоҥҥа күн бүгүнүгэр диэри аҕалан тоҕо тураллар. Ол курдук, Дьокуускай куорат дьаһалтатын быһаарыытынан хаары тоҕор сир 2017 сыл бэс ыйын 9 күнүгэр официальнайдык сабыллан, саҥа аадырыска көһөрүллүбүтэ. Онон, куорат уулуссаларыгар мунньуллубут кирдээх хаары Сэбиэскэй Армия 50 сыла аатынан уулуссаҕа баар саҥа сиргэ илдьиллиэхтээх.
Анивера АКИМОВА, edersaas.ru