close
Хаарчаана олохтоох сирин булла
Култуура - Олох-дьаһах

Хаарчаана олохтоох сирин булла

Бэҕэһээ үрүҥ эһэлэр Колымаана уонна Ломоносов кырачаан эһэлэрэ Хаарчаана Санкт-Петербург куоракка эбээтигэр Усладаҕа көһөн кэллэ. Саха сирин Орто дойду зоопаркатыгар күн сирин көрбүт үрүҥ эһэчээн олохтоох сирин булла.

Аграфена КУЗЬМИНА, “Саха сирэ” хаһыат, edersaas.ru.

Колымаана уонна Ломоносов историялара 2012 с. саҕаланар. Колымаананы 2012 сыллаахха Аллараа Халыма оройуонуттан Айылҕа аан дойдутааҕы фондатын иһинэн тэриллибит “Медвежий патруль” бырагыраама кыттыылаахтара булбуттара. Ити соһуччу булумньу этэ. Онон айылҕа харыстабылын үлэһиттэрэ сүбэлэһэн баран, кинини тута “Орто Дойду” зоопаркатыгар илдьибиттэрэ.
Эһиилигэр 2013 с. Колымаанаҕа доҕор буоллун диэн Санкт-Петербург зоопаркатыттан Услада уонна Меньшиков диэн Петербург зоопаркатыгар улааппыт эһэлэртэн 2011 с. төрөөбүт Ломоносовы аҕалаллар. Ломоносовтаах Колымаана Саха сирин олохтоохторо тута сөбүлээбиттэрэ. Аны былырыын сэтинньи 30 күнүгэр Хаарчааналара төрөөн дьон-сэргэ кутун өссө туттулар. Быыкаайык эһэчээн биһиги харахпыт далыгар улааппыт буолан, киниэхэ ураты суолтаны биэрэбит.
Онон Хаарчаана — Саха сирин уонна Санкт-Петербуру ситимниир бэлиэ эһэ буолар. Санкт-Петербург куоракка Саха сирин күннэрин ыытар тэрээһиҥҥэ зоопаркаҕа туттарыллыбыта ураты суолталанна.

Аграфена КУЗЬМИНА, “Саха сирэ” хаһыат, edersaas.ru.

0
0

Сайт матырыйаалларын ааптар көҥүлэ суох ылар бобуллар.


Notice: Undefined index: comment_notes_before in /var/www/edersaas/wp-includes/comment-template.php on line 2334

16 + восемнадцать =

INSTAGRAM ЛИЭНТЭТЭ

Instagram батыһан бар