Хаарга сибэкки «үүннэрдилэр»

Бөлөххө киир:

Дьахталлар аан дойдутааҕы күннэрин көрсө, хаартан күөх ньургуһун уонна сардаана сибэккилэр дьөрбөлөрүн оҥорон, истиҥ-иһирэх эҕэрдэни сыһыаран ыыппыт хаартыскалара батсаапка тута тарҕанна.
Бу кэрэ көстүүлээх оҥоһугу Сунтаар улууһун Устье сэлиэнньэтигэр баар “Тещин язык” турбазаҕа оҥорбуттар эбит.
Ангелина Васильева, “Саха сирэ” хаһыат, edersaas.ru

Бу туһунан турбаза салайааччыта Виктор Ващенконы кытта кэпсэттим:
—Хаартан оҥоһугу Элгээйигэ олорор Семен Тимофеев-Уус Сэмэн оҥордо. Кини сыл аайы хаар, муус оҥоһуктарбытын оҥорор. Күһүн, Саҥа дьыл иннинээҕи оҥоһуктарбытын, тиэмэтэ уларыйарынан, суох гынан иһэбит. Билигин саас тиэмэтигэр оҥоһуктары туруордубут. Бу сибэккилэри кэрэ аҥардарбытын эҕэрдэлээри, кинилэри үөрдээри оҥордубут, — диэн кэпсээтэ кини.
Манна даҕатан эттэххэ, «Тёщин язык» Сунтаар улууһугар дьон сынньалаҥын тэрийэргэ утумнаан үлэлиир. Мантан саас катокка хаҥкылыы, хайыһардыы, сыыртан сырылыы, сибиэһэй салгыҥҥа оонньуу-көрүлүү, саунаҕа паардана, бильярдыы, караокеҕа ыллыы, “Бураҥҥа хатааһылыы” киһи бөҕө тоҕуоруһуо. Виктор Николаевич этэринэн, саас устата 2 тыһыынчаттан тахса киһи кэлэн, сынньанан барар.
Сыл аайы өҥөлөрүн кэҥэтэ, элбэтэ сатыыллар. Манна эбии пейнтбол, салааскалары эргитэр карусель, сноуборд, шашлык буһарар уонна оҕо оонньуур былаһаакката оҥоһуллубуттара.

Ангелина Васильева, “Саха сирэ” хаһыат, edersaas.ru

Сүрүн  хаартыскаҕа былырыыҥҥы сибэккилэр.

+1
0
+1
0
+1
0
+1
0
+1
0
+1
0
+1
0