Алдан куоракка Арсен Петров кэриэһигэр өрөспүүбүлүкэ боксаҕа 2017 сыллааҕы чөмпүйэнээтэ ыытыллан түмүктэннэ. Чөмпүйэнээккэ 9 хамаандаттан 47 боксер кытынна. Өскөтүн тэҥнээн көрөр эбит буоллахха, былырыын Дьокуускайга 17 хамаандаттан 66, иллэрээ сыл Чурапчыга 14 хамаандаттан 61 боксер күрэс былдьаспыта.
Чөмпүйэнээт түмүгүн туһунан “Эдэр саас” сайтка анаан кылаабынай судьуйанан үлэлээбит Гаврил Петрович Стручков маннык иһитиннэрдэ:
—Чөмпүйэнээт Алданнааҕы Хайыһары сайыннарар кииҥҥэ буолла. Биир сиргэ олорор, аһыыр, ыйааһыннанар уонна күрэхтэһэр буолан, усулуобуйата олус үчүгэй диэххэ наада.
Тус санаабар, Борис Сидоров, Нурсултан Халыкбаев, Денис Халдеев, Егор Васильев үчүгэй киирсиилэри көрдөрдүлэр. Чөмпүйүөннэргэ СӨ боскаҕа федерацияттан 7000 солк. сертификат, иккис миэстэлээхтэргэ Физическэй култуура уонна маассабай спорт управлениетыттан 5000 солк. уу харчынан, үһүстээбиттэргэ Алдан улууһуттан сертификаттар туттарылыннылар.
Эмиэ ити күннэргэ “Локомотив” спортивнай уопсастыба күрэхтэһиитэ ыытыллыбыта. Онно Дарман Кутубеков (ЧИФКИС) 56 киилэҕэ уонна Егор Пахомов (ХИФУ) 69 кг бастааннар, Россия чөмпүйэнээтигэр кыттар быраабы ыллылар. Егор Евсеев (52 кг) үһүс миэстэ буолла.
Аны ыам ыйын 16-21 күннэригэр Хабаровскайга Константин Коротков кэриэһигэр норуоттар икки ардыларынааҕы турнир ыытыллыаҕа. Кэккэ боксердарбыт онно кыттыахтара. Бэс ыйын 21-25 күннэригэр Амурдааҕы Комсомольскай куоракка Уһук Илин Федеральнай уокурук чөмпүйэнээтэ ыытыллыаҕа, бастыҥнарбыт онно бэлэмнэниэхтэрэ. Оттон Россия чөмпүйэнээтэ быйыл Грознайга балаҕан ыйын 30 — алтынньы 9 күннэригэр буолуохтаах.
Чөмпүйэнээт түмүк көрдөрүүтэ:
49 кг 1. Сидоров Борис, кмс, ЧГИФКиС (Горнай), 2. Максимов Ян, кмс, ЧГИФКиС (Сунтаар), 3. Новиков Айтал, 1 р., ХИФУ (Бүлүү).
52 кг 1. Халыкбаев Нурсултан, мс, ХИФУ (Дьокуускай), 2. Хатылыков Михаил, кмс, ХИФУ (Ньурба), 3. Абдукадиров Сирожиддин, 1 р., ЧГИФКиС (Мэҥэ Хаҥалас).
56 кг 1. Халдеев Денис, кмс, Нам, 2. Парников Михаил, мс, ЧГИФКиС (Нам), 3. Самойлов Александр, мсмк, Нерюнгри, 3. Андреев Егор, 1 р., ЧГИФКиС (Чурапчы).
60 кг 1. Васильев Егор, мс, ХИФУ (Ньурба), 2. Гадимов Вахид, кмс, ХИФУ (Горнай), 3. Шаталов Дмитрий, 1 р. Алдан, 3. Григорьев Максим, ХИФУ (Сунтаар).
64 кг 1. Свинобоев Айаал, 1 р., ХИФУ (Нам), 2. Терентьев Михаил, 1 р., Нам, 3. Максимов Алексей, 1 р., ХИФУ (Булуҥ).
69 кг 1. Чертенков Евгений, 1 р., Нерюнгри, 2. Протодьяконов Иннокентий, 1 р., ХИФУ (Үөһээ Бүлүү), 3. Петров Антон, 1 р., ХИФУ (Сунтаар), 3. Федоров Владимир, 1 р., Сунтаар.
75 кг 1. Панченко Виктор, мс, Нерюнгри, 2. Гадимов Вагиф, кмс, ХИФУ (Горнай), 3. Бачу Максим, 1 р., Алдан, 3. Корякин Николай, кмс, ХИФУ (Ньурба).
81 кг 1. Белаш Дмитрий, кмс, Нерюнгри, 2. Климушкин Михаил, кмс, Алдан, 3. Перекупка Виктор, 1 р., Алдан, 3. Цыренжапов Эрдэм, 1 р., Нерюнгри.
91 кг 1. Климушкин Василий, кмс, Алдан, 2. Бузунов Николай, кмс, Алдан, 3. Магомедов Расул, мс, Ленскэй.
+91 кг 1. Шахов Алексей, мс, Алдан, 2. Егоров Петр, кмс, ХИФУ (Мэҥэ Хаҥалас).
Петр ПАВЛОВ, “Саха сирэ”, edersaas.ru