close
Халаан: Өктөмү, Хоточчуну уу ылла
Олох-дьаһах - Тыа сирэ

Халаан: Өктөмү, Хоточчуну уу ылла

Ааспыт түүн Хаҥалас улууһун Өктөмүгэр даамба алдьанан, уу таһыма кутталаах кирбиини 65 сантиметрынан аһаран, 5 м 45 см буолла. Барыллаан ахсаанынан, сүүс дьиэни ылла. Оттон Хотуччуга 54 олорор дьиэ ууга барбыт.


— Халаантан сэрэнэн, биһиги мырааҥҥа бастаан ыам ыйын 12 күнүгэр тахсыбыппыт, онтон көмүөл Хаҥалас бөһүөлэгэр тиийбит сураҕын истэн, этэҥҥэ ааста диэн, ыам ыйын 13 күнүгэр бөһүөлэккэ төттөрү киирбиппит, — диир Бастакы Дьөппөн нэһилиэгин баһылыгын солбуйааччы Тамара Яндреева. — Сүөһүнү-сылгыны үрдүк сирдэргэ эрдэ таһаарбыппыт. Эбэҕэ уу эбиллибитигэр бэҕэһээ бары мырааҥҥа, эвакопууҥҥа, тахсыбыппыт, кыра оҕолоох ийэлэри Бастакы Дьөппөҥҥө ыыппыппыт. Күнүстэн киэһэ уу түспүт курдук буолбутугар, дьиэни ылбакка ааста диэн үөрбүппүт баара, түүн үөһүгэр балысханнык эбиллэн, дьиэлэри ылла. Билигин арыый тохтоон турар курдук. Эвакопууҥҥа 42 киһи баарбыт. Аһы-үөлү олохтоох биирдэм тэрилтэ атыылыыр, килиэп Иккис Дьөппөнтөн аҕалыллар.

Санатан эттэххэ, Хоточчу учаастага Бастакы Дьөппөн нэһилиэгэр киирэр, нэһилиэнньэтин ахсаана 200-чэкэ киһи.

Хоточчу дьиэлэрэ

Раиса СИБИРЯКОВА, Саха сирэ» edersaas.ru

#бүгүн: 1
0
0

Сайт матырыйаалларын ааптар көҥүлэ суох ылар бобуллар.

Мин санаам:

три + пятнадцать =