Халаан уутуттан эмсэҕэлээбиттэргэ эбии 14 мөл. солк. көрүллүөҕэ

Бөлөххө киир:

Бу саас уонна сайын улахан халаан уутуттан эмсэҕэлээбит өрөспүүбүлүкэ биэс улууһугар култуура кииннэрин, түмэллэрин чөлүгэр түһэрэргэ федеральнай киинтэн эбии 14 мөл. солк. ыытыахтарын сөбүн туһунан СӨ култууратын уонна духуобунай сайдыытын саҥа анаммыт миниистирэ Юрий Куприянов иһитиннэрдэ.   

edersaas.ru


«Бырабыыталыстыба резервнэй пуондатыттан эбии харчы көрөллөрүн курдук кэпсэтии бара турар. Сахабыт сирин биэс улууһугар аҕыс култуура эбийиэгин оҥорорго 14 мөл. тыырыллыаҕа», — диэн эттэ кини.

Алтынньы 15 күнүгэр РФ Бырабыыталыстыбатын дьаһалын бырайыагын Үп министиэристибэтигэр ылыннылар, билиҥҥитэ докумуон Юстиция министиэристибэтигэр көрүллэрин туһунан билиһиннэрдэ.

Көмө харчыны Уус Маайа, Таатта улуустарыгар ыытыахтара, итиэннэ Аллараа Халымаҕа “Йынэттэт” фольклор киинин, Орто уонна Үөһээ Халымаҕа култуура дьиэлэрин саҥардыахтара.

Өрөспүүбүлүкэҕэ сааскы уонна сайыҥҥы халаан уутуттан 15 улууска 63 нэһилиэк 5,3 тыһ. олохтооҕо эмсэҕэлээбитэ. 1,3 млрд солк. кээмэйдээх хоромньу тахсыбыта.

Бу иннинэ федеральнай резервнэй пуондаттан 587 мөл. солк. суумалаах көмө оҥоһуллубута.

Марианна ТЫРТЫКОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0