Халабырдьыттар тутулуннулар

Ааптар: 
Бөлөххө киир:

Дьокуускай куоракка 16-17 саастаах уолаттар дьону халаан тутулуннулар.

edersaas.ru

Бастакы сиэртибэлэрин Ленин проспегынан баран истэҕинэ, охторон түһэрэн, кырбаан туран, суотабай төлөпүөнүн былдьаабыттар уонна мобильнай баанын пин-кодун этэрин модьуйбуттар. Онуоха эмсэҕэлээччи соруйан сыыһа пин-коду эппит. Ол иһин төлөпүөнүн блокировкатын кыайан араарбакка, атын ньыманан 10 тыһ. солк. устубуттар.

Ити кэнниттэн тутатына аны иккис киһиэхэ саба түһэн, төлөпүөнүн былдьаабыттар уонна харчыга батарбыттар.

Полиция оперативниктара суһал-ирдиир тэрээһиннэр кэмигэр бу халааһыҥҥа уорбаланааччылары туппуттар — Орто Халыматтан төрүттээх 16 саастаах икки уол уонна Мэҥэ Хаҥаластан төрүттээх 17 саастаах уол эбиттэр.

Бу чахчыларынан «халааһын» уонна «уоруу» ыстатыйаларынан холуобунай дьыалалар тэриллибиттэр. Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0