РЛДП дьокутааттара Юрий Волков уонна Василина Кулиева Судаарыстыбаннай Дуума көрүүтүгэр хамнаc хойутуур түгэнигэр харчынан компенсация кээмэйин үрдэтэр туһунан бырайыак барылын киллэрдилэр.
Анивера АКИМОВА, «Саха сирэ», edersaas.ru сайт
Сорох тэрилтэлэр үлэһиттэр хамнастарын ыйы-ыйдаан төлөөбөккө эрэйдииллэр. РФ Үлэтин кодексын 236 ыстатыйатыгар олоҕуран, хамнас кэмигэр төлөммөт буоллаҕына, эбии компенсация харчыта төлөнүөхтээх. Дьиҥэр, бу суума олох кыра. Холобур, Россияҕа хамнас орто кээмэйэ 35 тыһ. 843 солк. тэҥнэһэр эбит буоллаҕына, хамнас биир ый хойутаатаҕына, үлэһиккэ баара-суоҕа 764 солк. 65 харчы төлөнөрүн туһунан дьокутааттар этэллэр.
Онон, бырайыак олоххо киирдэҕинэ, компенсация суумата үрдээн, тэрилтэ салайааччылара үлэһиттэрин иннигэр эппиэтинэстээхтик сыһыаннаһыахтара.
Анивера АКИМОВА, «Саха сирэ», edersaas.ru сайт