Хапытаалынай өрөмүөн усунуоһун төлүүргэ «Бырастыы гынар күннэр» аахсыйа

Бөлөххө киир:

Билиҥҥи туругунан өрөспүүбүлүкэ үрдүнэн нэһилиэнньэ элбэх кыбартыыралаах дьиэ хапытаалынай өрөмүөнүгэр усунуоһу сүгэн-саҕын төлөөбөт. Ыам ыйын 16 күнүгэр СӨ элбэх кыбартыыралаах дьиэ өрөмүөнүн пуондатын уопсастыбаннай сэбиэтин мунньаҕар усунуоһу хомуйууга пеняны аахпат сыалтан «Бырастыы гынар күннэр» диэн аахсыйаны тэрийэр туһунан быһаарбыттара.

Александр ТАРАСОВ, «Саха сирэ» хаһыат, https://edersaas.ru

Санатар буоллахха, пуонда уопсастыбаннай сэбиэтэ муус устар 25 күнүгэр СӨ бырабыыталыстыбатын бэрэссэдээтэлэ Евгений Чекиҥҥэ суругунан анал аахсыйаны тэрийэр туһунан биллэрбитэ. Онуоха СӨ ОДьК уонна энергетикаҕа министиэристибэтэ өрөспүүбүлyкэ үрдүнэн итинник анал аахсыйа ыытыллыан сөбүн туһунан эппиэттээбитэ.
Онон ыам ыйын 22 күнүттэн бэс ыйын 22 күнүгэр диэри элбэх кыбартыыралаах дьиэ өрөмүөнүн усунуоһун төлүүргэ «Бырастыы гынар күннэр» аахсыйа ыытыллыаҕа.

Николай Степанов, СӨ атыы-эргиэн, промышленнай палататын вице-президенэ, элбэх кыбартыыралаах дьиэ өрөмүөнүн пуондатын уопсастыбаннай сэбиэтин чилиэнэ:
Ити биллэриллибит анал күннэргэ өрөспүүбүлүкэ олохтоохторо хапытаалынай өрөмүөн усунуоһун пенята суох төлүөхтэрэ. Онон элбэх иэстээх дьон куттаммакка төлүөхтэрин наада. Саамай сүрүнэ, ыйынан төһө ааҕыллыбытын эрэ биэрэллэр. Пеня төрүт ааҕыллыбат.

* * *

Хапытаалынай өрөмүөн усунуоһун ханна төлүөххэ сөбүй?
— «Энергосбыт» каассаларыгар;
— «Коммунтеплосбыт» филиалын каассаларыгар;
— Сбербаан терминалларыгар, «онлайн-сбербаан» сервис көмөтүнэн;
— «Почта России» салааларыгар;
— «ОДьКХ РКЦ» кассаларыгар;
— «Алмазэргиэнбаан» терминалларыгар, «Свой банк-онлайн» сервис нөҥүө;
– «Газпромбаан» терминалларыгар, «Домашний банк» сервис көмөтүнэн;
– СӨ элбэх кыбартыыралаах дьиэ өрөмүөнүн пуондатын кассатыгар, аадырыһа: Дьокуускай куорат, Октябрьскай уулусса, 20/1, А куорпус, 205 кэбиниэт.
– СӨ элбэх кыбартыыралаах дьиэ өрөмүөнүн пуондатын сайтыгар, «Оплата-онлайн» түһүмэххэ баар (www.fondkr.ru).

+1
0
+1
0
+1
0
+1
0
+1
0
+1
0
+1
0