Көрбөт дьон киинэ көрөр кыахтаннылар

Бөлөххө киир:

Доруобуйатынан хааччахтаах, ол иһигэр кэлээскэлээх инбэлиит, мөлтөхтүк көрөр эбэтэр олох көрбөт киһи күннээҕи олоҕор дьону-сэргэни кытта тэҥник сылдьыан баҕарар. Ол эрээри, үгүс өттүгэр бу кыаллыбат. Аҕыйах сылтан бэттэх, харахтарынан мөлтөхтүк көрөр уонна көрбөт дьон тифлобыһаарыылаах киинэлэри көрөр кыахтаннылар.

Анивера АКИМОВА, «Саха сирэ» хаһыат, edersaas.ru

Бу күннэргэ харахтарынан мөлтөхтүк көрөр уонна көрбөт дьон өрөспүүбүлүкэтээҕи анал бибилэтиэкэлэрэ сонун киинэлэринэн   эбилиннэ. Ол курдук, «Живые сердца» аһымал фондатын уонна «Мегафон» ПАУо көмөтүнэн тифлобыһаарыылаах киинэлэри көрөр кыахтаннылар.

–   Бүтэһик түөрт сылга биһиги хампаанньабыт «Кино для незрячих и глухих» диэн социальнай бырайыагы өйөөн, исписэлиистэр көннөрү киинэлэргэ субтитр, быһаарыы эбэн биэрэр буоллулар. Былырыын Дьокуускай киинэ-тыйаатырыгар маннык киинэни көрдөрөн турабыт, – диэн «Мегафон» Саха сиринээҕи салаатын дириэктэрэ Александр Костерин кэпсээтэ.

Дьокуускай куорат Бүлүүлүүр суолугар баар анал коррекционнай оскуолаҕа хампаанньа тифлобыһаарыылаах (тифлокомментарий) уонна субтитрдаах «Чемпионы», «Белка и стрелка» уонна «Поддубный» киинэлэр диискэлэрин эмиэ бэлэхтээбитэ. Тифлобыһаарыылаах киинэни мин эмиэ көрөн турабын. Тифлобыһаарыы туох уратылааҕын билээри, харахпын саба баанан олорон, «Чемпионы» киинэни көрбүтүм. Онтубут, киинэ былаһын тухары артыыстар тугу кэтэ сылдьалларын, тугу гыммыттарын, ханнык дьиэҕэ кэлбиттэрин, уопсайынан барытын сиһилии кэпсээн биэрэллэр эбит. Ону истэ олороҥҥун, хараххар оҥорон, уруһуйдаан көрөҕүн.

Анивера АКИМОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0