Тохсунньу 17-23 күннэригэр Дьокуускай куорат уонна чугастааҕы нэһилиэктэр оскуолаларыгар бары кылаастарга харантыын биллэриллибитин туһунан иһитиннэрбиппит. Харантыыны уһатар-уһаппат туһунан боппуруоһу хамыыһыйа тохсунньу 23 күнүгэр көрүөхтээх.
Онон ,харантыын уһатыллыбытын туһунан социальнай ситиминэн кэлэ турар сурахтар оруна суохтар. Үксэ урукку сыллардааҕы чахчылары ыыта олорор дьон баар. Ол эбэтэр, былырыын тохсунньу 29 күнүнээҕи чахчыларынан, харантыыны олунньу 6 күнүгэр диэри уһатан тураллар. Надежда ЕГОРОВА, «Саха сирэ» хаһыат, https://edersaas.ru
СӨ Роспотребнадзор управлениета төрөппүттэргэ сүбэлиир:
— Ыалдьыбыт оҕолоргутун оҕо саадыгар, оскуолаҕа, култуурунай-маассабай тэрээһиннэргэ ыытымаҥ. Бэйэҕит билэргитинэн эмтэнимэҥ, бырааһы ыҥырыҥ. Быраас ыйыытын-кэрдиитин толоруҥ, элбэхтик уута иһиҥ.
— Элбэх киһи тоҕуоруһар сиригэр сылдьар бириэмэҕитин кыччатыҥ.
— Мааскаҕытын сотору-сотору уларытыҥ.
— Ытырдаргытыгар уонна сөтөллөргүтүгэр биирдэ эрэ туттуллар салпыаткалары туһаныҥ.
— Илиигитин сотору-сотору мыылалаах уунан суунуҥ эбэтэр инфекцияны суох оҥорор салпыаткаларынан соттуҥ. Уулуссаттан уонна уопсастыбаннай миэстэттэн кэлэн баран, мурун көҥдөйүн ыраастана, сууна сылдьыҥ.
— Олорор, үлэлиир кэбиниэккитин салгылатыҥ, инчэҕэй тирээпкэнэн сото сылдьыҥ.
— С битэмииннээх (отон, цитрусовайдар уо.д.а.) бородууктаны элбэхтик сиэҥ.
— Дьиэҕитигэр эбэтэр үлэлиир сиргитигэр ким эрэ гирииптээтэ да, вируһу утары охсуһар препараттары иһиҥ (быраас ыйыытынан).
Гириип тарҕаныытын СӨ Роспотребнадзор управлениета кэтээн көрөр.
Надежда ЕГОРОВА, «Саха сирэ» хаһыат, https://edersaas.ru