«Амарах сүрэх» ааксыйа чэрчитинэн үтүө санаалаах дьонтон Харыстаана Спиридоноваҕа көмө харчы хомуйуута саҕаланна.
edersaas.ru
Харыстаана 2003 с. элбэх оҕолоох дьиэ кэргэҥҥэ күн сирин көрбүтэ. Ийэтэ уонна эбээтэ түөрт оҕону иитэллэр. Кыысчаан күн сиригэр «синдром Паркса-Вебера» диэн ыарахан патологиялаах төрөөн, уҥа атаҕар мальформация барыаҕыттан тыа сирин дьиэ кэргэнин олоҕун укулаата күүскэ уларыйда.
Харыстаана дьиэ кэргэнэ 2007 с. диэри Үөһээ Бүлүү улууһун Өргүөт с. олорбута. Онтон суһаллык эмтэнэр наадаттан Дьокуускайга көһөргө күһэллибитэ. Бу сыллар тухары дьиэ арендалаан олороллоро олус ыарахан. Кыысчаан сүрэҕэ дьиэктээх буолан, сылга биирдэ Новосибирскайга баран быраастар кэтэбиллэригэр киириэн наада.
Харыстаананы эмтиир Дьокуускай к. 1 №-дээх поликлиникатын педиатр-бырааһа Любовь Сергеева эппитинэн, кыысчааны кэтээн көрүү кэмигэр атаҕын алын өттүн быһан кэбиһэр боппуруос тура сылдьыбыта.
Ыарыһах кыыска көмөлөһүөн сөп лимфолог курдук исписэлиис Саха сиригэр суох. Онон, дьиэ кэргэн харчы булан суһаллык эмтэниитэ эрэ кыыс атаҕын быыһыыр кыахтаах.
«Генетика маннык ыарыытын эмтиир ыарахан, ол гынан баран, туочуканы туруорабыт диэн буолбатах. Кыысчаан уонна кини дьиэ кэргэнэ кыыс доруобуйата тупсарыгар, медицина биир сиргэ турбатыгар эрэнэллэр. Ийэлээх эбээ тапталлаах оҕолоругар төһө да кыахтара баарынан көмөлөһө сатаабыттарын үрдүнэн, социальнай өттүнэн ыарахан балаһыанньалаахтар. Харыстаана өссө оскуолаҕа үөрэнэр уонна оҕо уһуйааныгар сылдьар балтылардаах. Үтүө санаалаах дьон, баһаалыста Харыстаанаҕа көмөлөһүҥ», – диэн эрэлин биллэрдэ.
Сотору, кулун тутар 26 күнүгэр, Харыстаана ийэтинээн «ЛИМФА» лимфедемалаах ыарыһахтары чөлүгэр түһэрэр научнай-практическай кииҥҥэ эмтэнэ барыахтаахтар. СӨ Доруобуйа харыстабылын министиэристибэтэ Москваҕа барыы уонна кэлии ороскуотун төлүүр. Оттон эмтэнэргэ 500 тыһыынчаттан тахса харчыны төлүөхтээхтэр.
«Амарах сүрэх» ааксыйаны тэрийээччилэр уонна Харыстаана ийэтэ Саха сирин олохтоохторо кыысчааҥҥа наадалаах үбү буларга көмөлөһүөхтэрэ диэн эрэнэллэр.
Көмөлөһүөн баҕалаахтар кыыс ийэтэ Индиана Анатольевна Спиридонова Сбербааҥҥа каартатыгар ыытыаххытын сөп.
Карточка 89148238362 нүөмэргэ сыһыарылла сылдьар. Эбэтэр кылгас 3443 смс-нүөмэргэ ыытыахха сөп. Иһитиннэрии тиэкиһигэр «Якутия (пробел)» диэн уонна ыытар харчыгыт сууматын суруйуҥ.
Сбербаан каартата 6390 0276 9007 8888 06
Мобильнай баан + 79148238362
Индиана Анатольевна Спиридонова – Харыстаана ийэтэ.
Счет получателя: 40817810676000340156
Банк получателя: Якутское отделение №8603 ПАО Сбербанк г. Якутск
ИНН банка 7707083893
БИК банка получателя 049805609
Корреспондентский счет: 30101810400000000609
Надежда ЕГОРОВА, «Саха сирэ» хаһыат, edersaas.ru