Сунтаар улууһун 22 саастаах олохтооҕо сорунан туран киһини эчэтиигэ, сэрэҕэ суохтан өлөрүүгэ уорбаланар.
Быйыл саас, ыам ыйыгар Хатаска дьиэлэр тастарыгар кырбаммыт киһини булбуттара. Кинини өрөспүүбүлүкэтээҕи 2-с №-дээх былааһа нейрохирургическай отделениетыгар аҕалбыттар. Манна кини өлбүт. Быһылаан түмүгэр холуобунай дьыала тэриллибит. ИДьМ үлэһиттэрэ көрдүүр-үөрэтэр үлэлэрин түмүгэр уорбаланааччыны туппуттар.
Силиэстийэ биэрсийэтинэн, бу дьон доҕордуулар эбит. Иккиэн бииргэ арыгылаабыттар. Бу олорон иирсэн турбуттар. Уорбаланааччы доҕорун кырбаабытын кэнниттэн киһи балыыһаҕа өлбүт.
Тутуллубут эр киһи буруйун билиммит, быһылаан туһунан сиһилии кэпсээбит. Ити туһунан силиэстийэлиир кэмитиэттэн иһитиннэрдилэр.
СИА
+1
+1
+1
+1
+1
+1
+1