Бу күннэргэ халлаан сылыйан, Өлүөнэ өрүһүнэн туоруур кыһыҥҥы суоллар бүтүннүү уу буоллулар. Оннооҕор ааспыт нэдиэлэҕэ, аҥаарынан ууга айаннаан иһэр массыыналар видеолара батсаабынан тарҕаммыта. Бүгүн Хатаһынан Павловскайга туоруур суолга МЧС, ИДьМ уонна ГАИ тиийэн суолу саптылар диэн өрөспүүбүлүкэ быыһыыр сулууспатын пресс-сулууспата иһитиннэрдэ.
«Билигин Хатас-Павловскай хайысхаларынан өрүһүнэн туоруур суолга анал хамыыһыйа тиийэн суолу сапта. Оттон Даркылааҕынан Аллараа Бэстээххэ туоруур суол сабыллара күн иккис аҥаарыгар быһаарыллыаҕа»,- диэн МЧС пресс-сулууспатын үлэһитэ Виталий Абрамов иһитиннэрдэ.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1