Тырааныспар миниистиригэр да бэриммэт «Хивус» суудуналаах урбаанньыттар тарыыптарын тула мөккүөр уҕараабат. Ааспыт көрсүһүүгэ урбаанньыттар үс күн иһигэр ороскуоттарын туһунан докумуону Бырабыыталыстыба көрүүтүгэр киллэриэхтээх этилэр.
Анивера Акимова, «Саха сирэ» хаһыат, https://edersaas.ru/
Бүгүн СӨ сыана бэлиитикэтин судаарыстыбаннай кэмитиэтин бэрэссэдээтэлэ Антонина Винокурова уонна тырааныспар миниистирин солбуйааччы Лена Семенова сымнаҕас сыттыктаах суудуналаах урбаанньыттары кытары көрүстүлэр. Ол курдук туһааннаах министиэристибэ уонна кэмитиэт исписэлиистэрэ суудуналар күҥҥэ төһө рейси оҥороллорун, уматыкка, саппаас чааска төһө үбү ороскуоттуулларын ааҕан-суоттаан баран, тарыып 1000 солк. быһыллыбыта сөптөөҕүн быһаардылар.
Ол эрээри метеорологическай усулуобуйа уларыйар кэмигэр (ол иһигэр муус хамсыыр кэмигэр ) анал тарыып олохтонуоҕун туһунан эттилэр.
Ыам ыйын 2 күнүттэн саҕалаан нэһилиэнньэттэн киирбит үҥсүүлэри прокуратураҕа ыыттылар.
Өскөтүн урбаанньыттар олохтоммут тарыыптан элбэх харчыны көрдүүр буоллахтарына, айан билиэтин уонна суудуна нүөмэрин ыйан туран, СӨ Сыана бэлиитикэтин судаарыстыбаннай кэмитиэтигэр биллэрэргитигэр көрдөһөллөр. «Быһа сибээс» төлөпүөнүн нүөмэрэ: (4112) 34-34-37. Электроннай почтаrek@sakha.gov.ru. Аадырыс: Дьокуускай куорат, Ленин проспегын 28 №-дээх дьиэтэ, 502 кабинет.
Анивера Акимова, «Саха сирэ» хаһыат, https://edersaas.ru/