«Хивустаах» урбаанньыттар миниистир этиитигэр кумаардаан да көрбөтүлэр (видео)

Бөлөххө киир:

Бэҕэһээ эрэ, СӨ тырааныспарын уонна суол хаһаайыстыбатын миниистирэ Семен Винокуров уонна СӨ сыана бэлиитикэтин судаарыстыбаннай кэмитиэтин бэрэссэдээтэлэ Антонина Винокурова сымнаҕас сыттыктаах «Хивус» суудуналар тарыыптарын хонтуруолга ыллыбыт диэн суруналыыстары ыҥыран олорон иһитиннэрбиттэрэ.

Анивера АКИМОВА, «Саха сирэ» хаһыат, edersaas.ru

Онон, муус устар 29 күнүттэн тарыып улахан дьоҥҥо 1000 солк., онтон оҕолорго 500 солк. быһыллыбыта. Тарыыптар аны хонтуруоллуур уонна бигэргэтэр буоллубут диэн өрөспүүбүлүкэ олохтоохторугар иһитиннэрбиттэрэ. Хомойуох иһин, тырааныспар миниистирин быһаарыныытыгар  суудуналаах урбаанньыттар кумаардаан да көрбөтүлэр. Бүгүн син биир 2000 солк.  Аллараа Бэстээххэ дьону туораталлар. Төлөөбөт буоллаххытына, олорсумаҥ диэн кытаанахтык этэллэр эбит. Кыһалҕалаах дьон олорсоругар тиийэр.
Миниистир эрэннэриитэ тоҕо олоххо киирбэтэ диэн туһааннаах министиэристибэ пресс-сулууспатыгар эрийэ сылдьыбыппар, билигин тырааныспар полицията бэрэбиэркэҕэ баран эрэр диэтилэр. Дьэ, хайдах буолар? Ким кыайыылаах тахсар?

Бу бүгүҥҥү видео. Батсаабынан ыыттылар:

Анивера АКИМОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0