Ааспыт үйэ биир биллиилээх хомусчута, ырыаһыта, Саха АССР култууратын үтүөлээх үлэһитэ Лука Турнин төрөөбүтэ 100 сылыгар анаан, олунньу 13 күнүгэр «Саха» НКИК ханаалын нөҥүө өрөспүүбүлүкэ бары олохтоохторун хомустуурга ыҥыраллар.
Анивера Акимова, «Саха сирэ» хаһыат, https://edersaas.ru/
Сүүһүнэн сыллар усталарыгар саха дьоно уостарыттан түһэрбэтэх хомустара 20-с үйэҕэ биһиги дойдубутугар буолан ааспыт эриирдээх-мускуурдаах кэмнэргэ умнулла быһыытыйбытын, саха чулуу киһитэ Лука Турнин дьаныһан туран дьону-сэргэни, ыччаты хомустуурга үөрэппитэ. Лука Николаевич 1948 сыллаахха Москваҕа баран аан манайгынан хомус тыаһын иһитиннэрбитэ. Онон биллиилээх хомусчут, талааннаах норуот ырыаһыта Лука Турнин аатын үйэтитэр уонна үбүлүөйүнэн сибээстээн, олунньу 13 күнүгэр күнүс 12 чаас 45 мүнүүтэҕэ 10 мүнүүтэлээх флешмобка кыттыҥ.
Флешмоб уратыта диэн, хомусчуттар күөх эрканы көрө олорон оонньууллар. Итинник гынан, биллиилээх хомусчуту үйэтитэр тэрээһиҥҥэ кытталлар.
Анивера Акимова, «Саха сирэ» хаһыат, https://edersaas.ru/